پەرتووكا (سیتافكا پەیڤان) ل سەنتەرێ پێشمەرگە هاتە ئیمزاكرن
سندس سالح سلێڤانەیی:
ب بەرهەڤبوونا (د.عەلی تەتەر) پارێزگەرێ دهۆكێ و (ئیحسان ئامێدی) بەرپرسێ ناڤەندا خانی یا رەوشەنبیری و راگەهاندنێ و هژمارەكا زۆرا هەلبەستڤان و ئەدیب و نڤیسەر و حەزژێكەرێن هەلبەستێ، سەنتەرێ پێشمەرگە یێ رەوشەنبیری ل دهۆكێ، دوهی ئێڤاری 14/2 ئێڤاریەكا ئەدەبی بۆ پێشمەرگە و هەلبەستڤانێ دێرین (مەحفۆز مایی) ل هولا سەنتەری رێكخست و دووماهی پەرتووكا (مایی) ل بن ناڤێ (سیتافكا پەیڤان) ب دیاری ل سەر بەرهەڤبوویان هاتە بەلاڤكرن.
ل بەراهیێ بەرێز (د.عەلی تەتەر) پارێزگەرێ دهۆكێ، پەیڤەك خواند و تێدا ئاماژە دا رۆلێ هەلبەستڤان (مەحفۆز مایی) دبۆارێ نڤیسنا هەلبەستێ دا، ب تایبەت ل سەردەمێ شۆرەشێ و كاركرنا (مایی) ل ئێزگێ دەنگێ كوردستانێ كر و داخباریا خۆ ب هەلبەستەكا وی ب ناڤێ (لۆلۆ مامۆ) دیاركر و گۆت: پێدڤیە ئەم هەردەم رێزێ ل ڤان كەسان و بەرهەمێن وان بگرین، هەروەسا ئەم حكومەتا هەرێمێ و كارگێڕیا پارێزگەهێ پشتەڤانیا خۆ بۆ ڤێ چالاكیێێ و هەموو چالاكیێن ئەدەبی و هونەری ل دهۆكێ دوپات دكەین.
د دووڤدا هەلبەستڤان (مەحفۆز مایی) بەحسێ سەبۆرا خۆ یا نڤیسینێ كر و چەند هەلبەستێن خۆ خواندن، پاشان نڤیسەر و ڤەكۆلەر(ئیسماعیل بادی) خواندنەك دا هەلبەستەكا (مایی) و نڤیسەر و ڤەكۆلەر(محەمەد چەلكی) خواندنەك ل دۆر ئەزموونا ((مەحفۆز مایی) پێشكێشكر، هەروەسا هەلبەستەكا وی كو برێكا ژێریا چێكری هاتبوو چێكرن وەك ڤیدیۆ هاتە نیشادان.
