هەموو رۆژان گول دهێنە فرۆتن
سندس سالح سلێڤانەیی:
عزەت غیاس، گولفرۆشەكێ خەلكێ دهۆكێ یە، د دیدارەكێ دا بۆ رۆژنامەیا ئەڤرۆ دبێژیت: ل سالا 2015 من دەست ب فرۆتنا گولان كریە، ل دەستپێكێ من گول بۆ بووكا چێدكرن، ل گەل گولێن سەرەدانان، لێ نوكە گەلەك جۆرێن گولان هاتینە، ب تایبەتی ژی گولا(رۆز) كو خواستەكا زۆر ل سەر هەیە، ل گەل چەندین جۆرێن دی وەكو(لیلۆم، كالە، تولیب) و گەلەك جۆرێن دی.
هەروەسا گۆت: ل هەموو رۆژ و هەلكەفتان گول دهێنە فرۆتن، ب تایبەت ل رۆژا ئەڤینداران و ئەو كەسێن بۆ كڕینا گولان سەرەدانا جهێ من دكەن، گەلەك كەیفا وان دهێت، چنكو ئەز ل گەل وان یێ راستگۆمە و باوەریا وان ب من دهێت، بۆ دەمێ بهێت هندەك پلان دهزرا مندا هەنە، ژوانا من ل بەرە جهێ خۆ بەرفرەهتر لێ بكەم.
