ئەنفالێن ڕەش نەخۆشترین رۆژێن ژیانا من بوون
سالار محەمەد دۆسكی:
7-7
هەمان پێشمەرگەیێ شۆرەشا گولانا پێشكەفتن خواز ئەو ژی گۆت: دژیانا من دا تشتێ بوومن نەخوش ئەو بوویە ل هەوا ئەنفالێن رەش گەلەك بوومن یا نەخوش بوو و هەمان دەم تشتێ خوە ل سەرهلدانا سالا 1991ێ گەلەك كە یفا من هات و دلخوش بووم و دەمێ من هێرش كریە فەرمانەها ئەمنێ و مە دەڤەرێن خوە رزگاركرین و بەری سەرهلدان دەست پێ بكەت ل دهۆكێ بووین و پشكداری مە ل سەرهلدانێ دا كر.
شێخ سەعید گەلی رومانی، ل دووماهیێ گۆت: داخازێ ژ هەمی خەلكێ كوردستانێ دكەم و هەردەم لاڤا ژ خودێ دكەم ئەڤ كاودانە بۆ مە وەك خەلكێ كوردستانێ بهێنە راگرتن و ئەڤ نەوەی نوو هاتیە دناڤ ژیانێ دا و شنی پەیدا بووی و ئەگەر جوداهیەك بهێـتەكرن دناڤبەرا نوكە و سالێن بەری 1991ێ دا جوداهیەكا گەلەك مەزنە و ژیەە و ئەڤە پتر ژ 30 سالانە و ئەو خەلكێ 1991 پەیدا بووی هەمی خودان خێزانن و رەنگە گەلەكا كچ و كورێن خوە ژی ژن بۆ ئینابن یان داینە شی، لەوما دبێژم ئەو قوناغێن ژیانێ یێن نەخوشێن مە دیتی ئەڤی خەلكی نەدیتی نە بەلكو هاتینە سەر بەرهەڤیەكێ و پشتی نەما رژێما بەعس و دروستبوونا حوكمەتا هەرێما كوردستانێ كاودانەكێ دی بۆ خەلكێ كوردستانێ دروست بوو ئەوا نوكە ب دەست كوردان كەفتی ل ڤێ پارچا كوردستانێ د مێژوویا ملەتێ كورد دا دەست ب كوردان نەكەفتی یە، زمان درێژی هەیە كو هندەك ئالی خوە ب ئوپزسیوون بزانن و هاندان و پشتەڤانیا گەنجان دكەن كو نەدادپەروەری هەیە دژایەتی یا حوكمەتێ و كاودانان دكەن ئەڤە هەمی خزمەتا دوژمنی و داگیركەرێن كوردستانێ دایە، لەوما بێژم ئەڤ نەویێ نوكە هاتیە سەر حازریێ ئەوا ئەڤ كاودانێ، نەخوشێن بەری سەرهلدانێ نەدیتی نە و دەمێ ل كوچا ملونی و خەلكێ دهۆكێ دەربەدەر بووی ل باژێری گەریابای هەمیێ 200 زەلام تێدا نەبوون و ئەڤ باژێرێ دهۆكێ هەر هەمی هاتە شەلاندن و مالێن خەلكێ مە هەر هەمی هاتنە تالانكرن و تشتەك بۆ خەلكێ مە نەما و خەلكێ مویسل و عەرەب هاتن و تشتێ خەلكی هەر هەمی بخوە برن و بخوە حەلالكرن و خەلكێ مە دەربەدەری تورکیا و ئیرانێ بوو و ئەگەر ڤیدیویێن توماركری سەحكەیێ دێ بینی سەرا سەمونەكێ یێ شەرێ ئێك و دو دكەن و لەما دبێژم نەوەیێ نوكە هاتیە سەر تشتەكێ حازر و كەفتیە دخوشیەكێ دا و گەلەك تشتێ ژیانا خوە من بەحس نەكر و رەنگە گەنجێن نوكە باوەرنەكەن ئەم د چ ژیان دا دەربازبووینە و جارەكێ ل چیایێ شرینێ بووم و من گۆتە كورێ خوە تو ئەڤی چیایی دبینی پێنچ شەش جارا ل ڤی چیایی ب سەركەفتی مە و دەربازی ئیرانێ بوویمە كورێ من گۆت باب ئەگەر تو دەفتەرەكا دولاری بدەیە من و بێژی جارەكێ ژی هەرە وێرێ ئەز ناچم ئانكو ب ساناهی ئەڤ سەقە ل هەرێما كوردستانێ دروست نەبوویە و رەنگە مە كێماسی هەبن و مە ژی گازندە هەبن و ئەم هەست ب نەدادپەروەریێ دكەین بەلێ ئەڤە وێ ناگەهینت كو ئەم لاڤا بكەین و بێژین تو ئەڤان كاودانا بۆ مللەتێ مە نەهێلی نەخێر، ئەم داخازێ ژ سەركردایەتی یا خوە دكەین پتر پێداچوونێ دژیانا خەلكێ كوردستانێ دا بكەت و ئەردێ نە دادپەروەری و نە وژدانی تێدا هەبیت ئەوا كێماسیا دووبارە راست بكەنە ڤە، هوسا نینە ئەم تەرو هشكا بدانینە ل گەل ئێك و بێژین سەركردایەتی یا مە یا خرابە مە باش هەنە و رەنگە مە خراب ژی هەبن بەلێ نابیت ئەم هەمی یا بدانینە ل گەل ئێك، پلە ئێك دڤێت ئەم سوپاسی یا خودێ بكەین و بێژین یا خودێ تو ئەڤان كاودانا بوومە راگری و خەلكێ مە دەربەدەر نەبیت و نە كەڤیتە كولانێن خەلكی و تووشی سەرەكێ دیێ ناڤخویی نە بیت یان تووشی چ كارەساتێن دیێن مەزنێ، دلتەزین نەبیت و دووڤدا ئەڤا مە هەمی و ئەگەر جوداهیێ ل گەل مویسل و بەغدا بكەی كاودانێن مە گەلەك باشترن و باوەر بكە ئەگەر مرۆڤ دچیتە بەغدا دێ هزر كەی چوویە وەلاتەكێ دی ژ هەر روویەكی ڤە و جوداهی دڤێ چەندێ دا هەیە و شنی وەلاتێ مرۆڤی ل بەر مرۆڤی شرین بیتە ڤە و مە كێشا مووچان هەیە و ئەز بخوە ئێك ژ وانا مە ل هەیڤا 11 سالا 2024 مووچە وەرگرتیە و هەتا نوكە من نەوەرگرتیە ئانكو پتر ژ 14 هەیڤانە یا گرنگ كاودانەكێ هاتی ل سەر هەمی خەلكێ كوردستانێ و گەلەكێن دی شتی من هەنە مووچە نە وەرگرتیە، شەش جاران بریندار بوویمە و ئەگەر تو شەش جارا بریندار بووی ئانكو تو شەش جاران هاتیە كوشتن سوپاس بۆ خودێ هەتا نوكە یێ ساخم و مەبەستا من ئەوە ئەڤە ب ساناهی نەهاتیە و ئەڤە بەرهەمێ خوینا ب هزران شەهیدانە ل هەوا ئەنفالان 182 هزار ژن و بچیك و زەلام هاتنە بەرزەكرن و هەتا نوكە چارەنڤێسێ ئەوی خەلكی یێ بەرزەیە و ب ساخی كرنە بن ئاخێ ڤە و هەتا نوكە ئەمێ ل هەستیكێن ئەڤان مرۆڤان دگەرین و مە نەدیتی نە و گونەها ئەڤان مرۆڤان هەمیان بتنێ چونكو كورد بوون، لەوما ئەڤە ب خوینا ئەوان شەهیدان و خەباتا ئەوان گەنجان دروست بوویە ئەوێن چووین سینگێ خوە ب رەبیێن دوژمنی ڤە نای و ئەوێن چووین سینگێ خوە ب تڤەنگا دوژمنی ڤە نای ئەڤە ب خوینا وان دروست بوویە و لەوما داخازێ ژ خەلكی دكەم بلا ئەم هەمی لاڤا بكەین و بێژین یا خودێ تو تفاقێ دناڤبەرا مە دا دروست بكەی وسەركردایەتی یا مە بگەهینە وی ئاستی بشێت هەمی دەستێن خوە بكەنە تێك دا و ناڤ مالا كوردی بهێتە رێكخستن و تفاقەك دناڤ مە كوردان دا دروست بیت چونكە مە كوردان ژ خوە كەسەكێ دیتر نینە ئەگەر ئەم ب تفاق بین دوژمنێن مە نەشێنە مە لەورا دەمی دوژمنێن مە دشێنە مە دەمێ ئەم دژایەتی یا ئێك و دو بكەین، وەختەكی حوكمەت و هەمی پارتێ، ئیراقێ دهاتنە باژێرێ هەولێرێ و كوم دبوون ل دەڤ جەنابێ سەرۆكی هەتا دشیا سازانەكێ دناڤبەرا وان دا دروست بكەت نوكە ئەوا دوبەرەکی ئێخستە دناڤبەرا مە دا و خودێ تەوافقێ دناڤبەرا مە دا جارەكا دی دروست بكەتە ڤە.
