كولتوورێ كوردی د قالبێ پەیكەرەكێ زیندی دا دپارێزیت
رەمەزان زەكەریا
هونەرمەند (سوبحان فەتحی) كو ناسناڤێ ئالتوونی هەیە، د دیدارەكێ دا بۆ ئەڤرۆ گۆت: شیامە بۆ ئێكەم جار د دیرۆكێ دا هونەرێ شانۆ و نمایشا كوردی دا، ب شێوازێ پەیكەرێ زیندی ب رەنگەكێ كوردەواری و سەردەمیانە نیشا بدەم و دەستپێكا كارێ من یێ هونەری ل تەهران و كامیاران بوو، ل وێرێ خولێن شانۆیێ ب دووماهی ئینان و دەست ب شانۆیا سەر جادەیێ كر، پشتی چەندین سالێن كاركرنێ ل سەر بابەتێن جڤاكی و ژینگەپارێزیێ بەری هەشت سالان بڕیار دا رێچكەكا نوو بگریتە بەر و ببیتە ئێكەمین پەیكەرێ زیندی یێ كورد.
ناڤهاتی گۆت: من ڤیا ب رێكا ڤی هونەری سەرنجا گەشتیارێن بیانی بۆ لایێ جلكێن مە یێن جوان رابكێشم، هەر جارەكێ ئەز پارچەیەكا كلتۆری وەك سێڤا مێخەك، گۆپال، یان دەف ب كاردئینم دا كو ناسنامەیا مە یا نەتەوەیی ون نەبیت و هەتا نوكە د زێدەتر ژ 35 فێستیڤالێن جودا دا ل رۆژهەلات و باشوورێ كوردستانێ پشكداربوویمە، ژ وان ژی فێستەڤالێن هنار ل پاوە، لیمۆ ل قەسری شیرین، و هەزار دەف.
