35 جۆرێن مرەبێ چێدكەت
سندس سالح سلێڤانەیی
لافیا محەمەد، ژنەكا خەلكا باژێرێ (دێركێ) یە، ژ رۆژئاڤایێ كوردستانێ، بۆ دەمێ چەند سالانە ل پارێزگەها دهۆكێ ئاكنجیە و نوكە ئێك ژ پشكدارێن بازاڕێ شەڤێن رەمەزانێ یە ل فاملی مۆلا دهۆكێ و ب (35) جۆرێن مرەبێ دوی بازارێ دا یا پشكدارە.
ناڤهاتیێ بۆ رۆژنامەیا ئەڤرۆ گۆت: ئەڤە پێنج سالن ئەز ڤی كاری دكەم و نوكە ب (35) جۆرێن مرەبێ دڤی بازاڕی دا یا پشكدارم و سوپاس بۆ خودێ داخوازیەكا باش ل سەر كارێ مە هەیە و خەلكێ دهۆكێ پتر حەزژ دو جۆرێن مرەبێ دكەن، ئەو ژی مرەبا (كولندی و پرتەقالان) و مە جهەكێ تایبەت یێ كاری، ئانكو وەكو كارگەهەكا بچووك هەیە دو كچ ل دەف من كاردكەن، هەروەسا من گەلەك خۆل بۆ فێربوونا چێكرنا مرەبێ ڤەكریە و هژمارەكا كچ و ژنان پشكداربووینە و نوكە هەر ئێك ل جهێ خۆ بۆ خۆ كاردكەت و مفایەك دگەهیتێ و هیڤیا من ئەوە رۆژەك بهێت خەلكێ مە هەموو مرەبا كوردی یا خۆمالی بخۆن و خۆ ژ مرەبایێن قودیكری دوور بێخن.
