بابێ من ب تەختێ زیندانێ ڤە دهاتە گرێـدان و ئەشكەنجەدان
سالار محەمەد دۆسكی:
2-7
دوڤدا گۆتن (مەلا مستەفا بارزانی) دەرباز بوویە و چوویە ناڤ دوسكی یا بەلێ دێ زڤریتە ڤە و مە گۆت ئەگەر بزڤریتە ڤە ئەڤە ئەم پشست راست بووین و دروستە و شۆرش یا بەردەوامە و ئەم ماینە ل دەڤەرێ ماوەكێ خوش گۆتە من (تو و شێخ سەلمان و عەبدوللا عەبدوولرەحمان تاجدین، ئیبراهیم تاجدین حەسەن) هوون ئەڤە دێ بنە مغفەرە دێ چنە بانكو ئەرزێ و ئەم چووینە بانك و ئەرزا و كی یە بەرپرسێ مە ل وێرێ ئێكی دگۆتنێ (رەشویێ رەسول) یێ بارزانی بوو ئەو ل بانكا بوو و ئەم ل ئەرزێ بووین و ئەم چووینە ل گەل (ئەحمەدێ عەبدولرەحمان) ئەم نێزیكی سێ هەیڤان ماینە ل گەل ل وێ دەڤەرێ و زڤستانەكێ بوومە پێزانین هاتن و گۆتن سێ كەسێن ئستخباراتێ هاتینە گوندێ (زێوا شێخ پیرامیس) ئەوا ل نێزیك بامەرنێ و هەتا ناڤێن وا ژی هاتن بەلێ مخابنی ڤە ناڤێن وا نەماینە ل بیرا من و فەرمانا گرتنا وا بوومە هات و ئەم هەر چارێن هاتینە دەست نیشانكرین بۆ مەغفەرێ و پێشتر من ناڤێن وا ئاشكراكرین ل گەل (عەبدوللا بناڤی) ئەم چووین و چەند كەسەك ژی ژ هەڤالێن (ئەحمەدی) مە ل گەل خوە برن و ئەم چووینە دەڤەرێ و زڤستان بوو و بارانەك دهات و بەرفرا دهێت و دونیا گەلەك سار بوو وی دەمی ژیێ من گەلەك یێ بچوویك بوو، شێخ سەلمانی گۆت چ بكەین من گۆتێ ئەم دێ چینە گوندێ(هەمزا) دێ ل وێرێ كومبوونەكێ كەین و دووڤدا دێ چین چونكە رەنگە ئەم بێ كومبوون بچین بكەڤینە هندەك ئاستەنگا، لەوما ل دەسپێكێ ئەم چووین و مە كومبوونەك ئەنجامدا و مە بریار دا كو ل دەسپێكێ بچین موختاری دەستە سەربكەین و ئەگەر مە موختار دەستەسەركر ئەو دێ ئێك ئێكە مالێن وا نیشامەدەت و ئەم چووین ئێك ژ ئەوا كەسێن ئستخباراتێ مە گرت و موختاری گۆت ئەوێن دی ئەز نوزانم و من پێزانین ل سەر ئەوێن دی نینە كا هاتینە یان نەهاتینە و ئەز چ ژێ نوزانم ، ئەوێ مە دەستەسەركری مە ئینا و ئەم هاتین و (شێخ سەلمانی) گۆت دڤێت ئەڤی بەن رادەستی (ئەسعەد خوشەڤی) بكەن و (ئەز و ئیبراهیم و عبدوللا) ئەم چووین مە رادەستی (ئەسعەد خوشەڤی) كر، ئەم ب شەڤ ماینە ل ئەرزێ و مە گۆت ئەم دێ سپێدێ چین هندی هند سەقایێ سار بوو و ئەم ماینە هوسا و ب شەڤێ تبعەت هاتە (ئیبراهیمی) و ئەز و عبدوللا و خزمێ وی بوو ئەم چووین مە ئیبراهیمێ خوە ئینا و مە تڤەنگا وی ژێ وەرگرت و هێدی هێدی مە ئینا بارەگایی ل ئەرزێ و سپێدێ ئەم رابووین و ئەو كەسێ مە گرتی مە رادەستی (ئەسعەد خوشەڤی) كر و (ئەسعەد خوشەڤی) گۆت تو بچوویكی چەوا تو ڤێ زڤستانێ دهێی و گۆت هەرە مال بهێنا خوە ڤەكە و (ئەز و شێخ سەلمان) هەر دو چووینە مال مە بهێنا خوە ڤەكر و گۆت(ئیبراهیم) ژی بلا بچیت هەتا ساخ و ساخلەم بیت و ئەگەر ساخ نەبوو بلا ل مال بیت، پشتی ماوەكی مە گۆت دێ چینە دەف (ئەسعەدی) ڤە ئەم چووین وی گۆت هەرنە شێلازا و ئەم چووینە دەڤەرێ و مە غفەرەك دانا شێلازا و ئەم چەند هەیڤان ماینە ل دەڤەرێ و سپێدەهی یا ئەمێ دچینە سەرێ چیایێ مەتینی و ئەم ل وێرێ زێرەڤانیێ دگرین ژ بەر هاتن و چوونا خەلكی و هەر كەسەكێ هاتن وچوون كر مە پرسیار ژێ دكرن كیە و كیڤە دهێت دێ كیڤە چیت و ئەڤە ل سالێن شێستان بوویە و پشتی ماوەكی ئەم ماینە ل دەڤەرێ و دووڤ دا ئەم زڤرین و گۆت تو چەند كەسێن دی دانە ل گەل من ژوانا (عبدولرەحمان سەید عەلی) ئەم كرینە مەغفەرە ل دەرگەلێ و دیسا وەرزێ زڤستانێ ب سەر مە داهات و زڤستانەكا دژوار بوو و بەفر هات و هەمان دەم دعوكەك دناڤبەرا خانیكا و دەرگەلی یا دا هەیە ل سەر عەردی و مە پلانا وێرێ نەزانی و (عبدولرەحمان سەید عەلی) شە بۆ حەفت مرۆڤێن سوران ل گەل دا بوون و (عبدالرحمان) گۆتە من كاك عەلی من گۆتێ بەلێ گۆت هەرە خانیكا ئاگەهدار بكە دا سباهی بهێنە سەر دعوا خوە من گۆتێ مانێ بەفرە و سەقایێ سارە گۆت دڤێت بچی و ئەژی ل ژیەكێ گەنجاتیێ دا بووم و من ئاگەه ژ سرو سەقەمێ نەبوو و گەلەكێ گەرم بووم و هەتا نافتەنگێ بەفر هاتیە و هەتا گەهشتیمە وێرێ بوو شەڤ و چوومە مالا (سەید عەزیزی) بەرپرسێ گوندی بوو گۆت خێرە ژ كیڤە دهێت من گۆتێ بابەت ئەڤە یە و (عەبدولرەحمانی) گۆتیە دڤێت سوباهی بهێنە سەر دعوێ، (سەید عەزیزی) گۆت كور نەكو فێلبازیەك ل تەكربیت؟ من گۆتێ چەوا فێبازی كربیت ؟ وی گۆت باوەربكە فێلبازیەكا ل تەكری ل وێرێ دو دل بوو و من بریار دا بزڤرمە ڤە و من گۆت ئاخر ئەڤ پەیامە ب رێكا من گەهاندیە هەوە یا دی كەیفا هەوەیە و درەنگی شەڤ گەهشتم و هاتم دەرگەهێ بارەگایێ مە هاتیە شكاندن و فانوسا هلە و تشتێ ناڤ مالێ هر هەمی سەرێك و بنێك كرینە و پرسیار كە و گازی جەماعەتێ كەم و ئێكی دگۆتنێ (خەلیفە) خەلكێ گویی یا بوو و من گازی (خەلیفەی) كر و هەر گازیكر و كەسەكێ بەرسڤ نەدا و مالا ل تەنشت مە مالا (فوئاد بەگ) بوو و چووم من پرسیارا وی كر و من گۆتێ چ ل بارەگایێ مە هاتیە كی هاتبوو ڤێرە؟ وی ژی گۆت باوەر بكە ئەز نوزانم دێ بابوو چ لێ هات چ لێ نەهات هێرڤە هاتم و هێرڤ ە چووم و مامە بتنێ و من كەسەك نەدیت و ترسیام ل وێرێ بم چونكە بتنێ بووم و لەوما من بریاردا بهێمە گوندێ(میسكا) وێ بەفرێ و ردەنگی شەڤ هاتم و نەترسیام و نە من هزرا گوركی نەیا هرچێ و نە یا كەسەكێ دكر و خوین گەرم و هەمان دەم توپ ژی یێ ژ سەرسنگ دهێن ب دەڤەرێ دکەڤن و ئێكسەر چوومە مالا كەسەكێ مەسیحی ناڤێ وی (نەمرود) بوو و مختارێ گوندی بوو و ئەوی گەلەك قەدرێ من گرت و خودێ ژێ رازی بیت بوومن سوپە هەلكر و جلكێن من ژ بەر من كرن و هەڤژینا وی رابوو جلكێن من دانە سوپێ و هەتا زها بووین و نان بوو من بەرهەڤ كر و من نان خوار هەتا بهێنا من هاتی و دووڤدا گۆت تە خێرە ڤێ شەڤێ و ڤێ سەرمایێ من گۆتێ من كارەكێ هەی و من كاغەزەك هەیە و دڤێت هوون بوو من بگەهینە (حەسەنێ ستیێ) ل گوندێ (بازێ) و من كاغەز نڤێسی دا ڤ(نەمرودی) و ئەوی داف كەسەكێ دی دگۆتنێ(نەنو) ئەو ژی گەلەك مرۆڤەكێ جامێربوو و مرۆڤەكێ پارتی بوو و كورد پەروەر بوو و كاغەز بۆ دەستێ وی هاتە رادەستكرن و ئێك ژی دا ل گەل و گۆتێ دڤێت ئەڤ كاغەزە ئەڤ شەڤە بگەهیتە (حەسەنێ ستیێ).
