هەڤڕكی بۆ سەرێ لیستێ بەردەوامە و سوبەهی یانەیێن كوردستانی یاری هەنە
چاڤەڕێ دهێتە كرن ئەڤرۆ و سوبەهی دەست ب هەڤڕكیێن گەڕا 23ێ یا خولێن ستێرێن ئیراقێ ب ئەنجامدانا چەند یاریێن ئاگرین بهێنە كرن ژ وانا كلاسیكۆیا كوردستانی ئەوا دێ بیتە دووماهی شەڤبیریێن ڕەمەزانێ د وەرزێ ئەڤ سالە دا، یانەیێن دهۆك، زاخۆ دێ د ناڤ ئەرد و جەماوەرێ خوە دا بۆ سەركەڤتنێ جەنگن.
شەڕێ سەرێ لیستێ ل بەغدایە
بڕیارە ئەڤرۆ پێنچ یاری ژ هەڤڕكیێن ڤێ حەفتیێ بهێنە كرن، خودانا سەرێ لیستێ یانەیا جەوییە دێ ل یاریگەها ئەلمەدینە ل پایتەختێ ئیراقێ بەغدا مێڤاندارییا یانەیا ئەمانەت بەغدا ل دەمژمێر نەهی شەڤ كەت، ژلایێ خوە خودانا ڕێزا سێیێ یانەیا شورتە دێ ل یاریگەها خوە مێڤاندارییا یانەیا تەلەبە ئێك ژ یاریێن جەماوەری ل بەغدا دەمژمێر 11:15 شەڤ مێڤان كەت، هەردو یاری د ئاگرینن و شەڕێ وان بۆ سەرێ لیستێ یە.
جەنگن بۆ پێشكەڤتنێ یە
ژلایەكێ دووڤە چار یاریێن دی یێن ئەڤ شەڤە دێ شەڕی بۆ سێ خالان كەن پێخەمەت پێشكەڤتن بەر ب ڕێزێن باشتر، یانەیا زەورا دێ ل یاریگەها ناسریە بیتە مێڤانا یانەیا ئەلغراف ل دەمژمێر 11:15 شەڤ، ژلایەكێ دووڤە یانەیا كارەبا ل دەمژمێر نەهی شەڤ مێڤاندارییا یانەیا نەفت ل بەغدا كەت، هەروەسان یانەیا مووسل دێ هەمان دەمژمێر ل یاریگەها نەجەف بیتە مێڤانا یانەیا نەجەف.
یاریێن سوبەهی ژی ئاگرینن.
دهۆك- هەولێر، یاریگەها دهۆك ل دەمژمێر 11:15 شەڤ.
زاخۆ- ئەلگەرمە، یاریگەها زاخۆ ، ل دەمژمێر 11:15 شەڤ.
نەورۆز- ئەلقاسم، یاریگەها نەورۆز ل دەمژمێر نەهی شەڤ.
مینا- دیالا، یاریگەها مینا، ل دەمژمێر نەهی شەڤ.
كەرخ- نەفت میسان، یاریگەها شەرار حەیدەر، ل دەمژمێر نەهی شەڤ.
تێبینی بۆ هژمارا سوبەهی دێ ب تەسەلی ل سەر یاریێن هەرچار یانەیێن كوردستانی بەحسكەین ژبەركو ئەم چاڤەڕێ كۆنگرەیێ رۆژنامەڤانی نە بۆ وەرگرتنا داخویانەیێن ڕاهێنەران بەری یاریێ.
هەلوەستێ گشتی بەری دەستپێكرنا هەڤڕكیێن گەڕا 23ێ
1- جەوییە 52 خال.
2- شورتە 47 خال كێمترییا یارییەكێ.
3- تەلەبە 43 خال.
4- هەولێر 43 خال، كێمترییا یارییەكێ.
5- ئەلگەرمە 41 خال.
6- زاخۆ 39 خال كێمترییا یارییەكێ.
7- كەرخ 37 خال.
8- زەورا 36 خال.
9- دهۆك 33 خال.
10- ئەلغراف 29 خال.
11- نەورۆز 28 خال.
12- دیالا 28 خال كێمترییا یارییەكێ.
13- نەفت 25 خال، كێمترییا یارییەكێ.
14- مینا 24 خال.
15- مووسل 23 خال، كێمترییا یارییەكێ.
16- كارەبا 21 خال.
17- ئەمانەت بەغدا 21 خال، كێمترییا یارییەكێ.
18- نەفت میسان 20 خال.
19- نەجەف نەهـ خال.
20- ئەلقاسم دو خال.
