ئەز و تو
هەلبەستا بازی
ئەز و تو دو ئەڤین دارین
ژبۆ هەڤ دو دین و هارین
ژخەریبیێ دبێ وارین
بۆ عەشقا خۆ خەملدارین
لاو ئەز و تو مەم و زینین
خائینا ل دۆرێن خۆ دبینین
ئازارێن مەزن دکێشینین
دێ ئەز و تو گەل ئێک مینین
نێ ئەز و تو تووبەدارین
ئەم عاشقین ئەم دلدارین
د کرنۆش دا ڕۆندکا دبارین
خودا ئەم نە تاوانبارین
مە سۆزە دگەل هەڤ بمینین هەر
مە ژێک دویر ناکەن چ ئەگەر
نێ دل ژسینگی هاتە دەر
نەشێم بژیم تم دەربەدەر
لاوو توی شاهێ دلێ من
تو وەرە بگرە دەستێ من
بەسە بسۆژە جانێ من
تە وێران کر تەڤ ژییێ من
ئەزم هەر ئەو زینا زێدان
ئەو خەجا مایە بێ خودان
زولەیخامە برەنک حۆریان
وەرە ببینە ب وان چاڤان
دویریا تە ئەز پیرکرم
بێ هش و سەودا سەرکرم
ئەز بێ کەیف و خۆشی کرم
بەرەڤ مرنا بساخی برم
