دەڤەکێ مری ل دویڤ دۆزەخا ژیارێ دچوو
هەژار قەردەشا
باب
دلێ من دچیت چوونەکێ
لێڤێن سەربەردای ل مستەکا ئاخفتنێ دگەڕن و…
دهاراتێن خوە دا دهلنگڤن
وپێ ل خوە دگەڕن
ل سەر سینگێ تێهنەکا بادای
حەزو هیڤی ل بەر دەرازینکا
بژالە دبن
ئەو گرفتارێن ژ بەرمایکێن وندابوونا خوە ئاڤا بووین
دبوونە دیمەنەک ل کیڤە مای! ب تنێ دناڤ زاتەک ڤەخواری ل هەڤ ددن
لێ مرۆڤ ل ئەڤی دەردی چ دکن
زوو ب زوو ئەز خولکێ خوە نادەم
د ناڤا جلێن خوەدا سۆپایەک پرسیاران
ژ پێژنا چێدبن
من دڤێت بێژم باشم
قەفتەکا ئالۆزیان رێزان دکێشن
ل سەر تارییا ئازاد دبن هەست
دناڤبەرا کلۆخێ زندییەکێ وناڤا
هزرەک چك دە مای
ئەو ئازارێن هەڤبەش دگەل من چ دکن؟
ژتێهنا تێهزرینا تەنگ
تنێبوونا خوە ڤەدخوم و…
بێدەنگیسێ دقرقچینم
باب
هەموو ئالاڤ د باژێرێ بەردەوامێ دا دهێن کرین و فرۆتن
ئەو هەبوون ژبو خیچ و هیچیا خوە دڤێت چ بکەت
فیدانێن من، کورترین تەمەنن و… بەختەوەری ل زیندانا من ڤاژی دکت
چ قاس
بێهنا خوە ژ دستوری وە
ژ تەنگ و دوورییا، مرۆڤ نکارت بێژت
و ئەگەر زوترین دەمن، دناڤا قەدحێن گلێشی دا دهێن هاڤێتن
بلا هەر تشت ل سەر پرانییا خوە بمینن
لەزێ دسازکرنا بەندمانەك بێهۆدە و گرێبەستێ ل گەل نوی ناکم
ئەو هزرا فرمیسکا دزلقوتینت
چەندەک ل وارگەهی دێ چ کت… و ئەز
ب زمانەک قەتکری خوە فێری پیڤاژوویا تراژیدیا هەیاما دکم
هەموو دەستێن باوەردای مینا گورکێن ب دەڤن، ژبوو ئاسودەییا خوە ل سەر تلییا دزڤڕن
خویایە ئاشکرا هەموو ئیزگەهــ دبن حەرف
روح گازندا ل سەر ترانا ب رەوان دابەش دکن
ئیروو وە بەختەوەری دیت
سوبە وە قەدحەک پیتا (ژ)
لبن دروشمێ مرۆڤاتییێ
راکر
ئۆڤ بۆ نەفەسا من، ئەوا
دجەرگینا خوە پەلخی
باب
ئەڤە یا ژ وە را دبێژم
دەلیڤە ژ پشتا ئەڤرازی ڤەگەڕن
ئەو چوونێن بەرەڤ نەمانێ دجن
هەسێن من ل ئەڤێ دەرێ ژبیرنەکن
کوێلەنە
ئەزێ ئەزەل ب دەستەکێ قەدەغەکری بزاڤێ دکم
برین مژویلن ب خوە ڤە دسەفەرا دوراندنێ دا … و
هەست تاوینە ب سیناهیێن خوە دا، چاڤا بۆ غەیری خوە دبن
بەرییا وەها ئەوان
بەرییا ژ دەستکەفتییا ئەوان
ڕۆژانە خەونەک دبێهنا خوە دا کویڤی بازددن
مینا هناڤێن مرۆڤان
رەفتارێن خوە ب جەهنەما مە دا شاد دکن
بەلکو هەر تشت تونەیە
ئەز مریمە
هشیاربن
وە نە دالەقینن…؟
