مەزاد
خەلات محەمەد
د ناڤ ھەلبژارتنا خوە و تە دا
تە دھەلبژێرم
ل سەر كنارێن دەریایێن مری
تو دەریایا منی
د ناڤ ھەمی خەونێن من دا
تو ڕاستییا خەونێن مری
ل سەر روحەكا تژی ژ تە
خاتینەكا زێرینی…
ل ڤێرە تە روح كریە مەزاد
ھەر كەس روحا من ددەت مەزادا بایی
وەك وێ ئاخا بۆ مرنێ حەلال
دەما تە ڤیا بمرینی روحێ
دكەی د پیسە كاڤلەكی دا
د دەی نە شایستەی… ھەبوونێ
من د ڤێرە دا
روح كربوو قودسەك تژی میھرەبانی
و تژی عەشق
ل بەر بەژنا تە كر بوو
كراسەك تژی گول
ئەو گول و عەشق
د رەنگێ چاڤێن تە دا بەرزە بوو
چوو… و چوو؟
ھەتا پێ حەسیایم
مەزاد ل سەر روحا من كربوو
ھاتبوو كرین ژ بەرێ مرنێ ڤە
و مرنێ دام تە
تە ژی
ھاڤێتم د دەریای دا…
و بزانە دەریا پێنجشەمبییان
كەلەخان ژ ناڤ خوەدا دھاڤێژیت
ئەز دێ ھەر زڤڕم بو باوەشا تە
ئەڤێ ژ خوە و من بزانە!
