ئەو خەبات مە یاكری داکو نانەكێ ب ئازادی و تەناهـی و رەحەتی بخوین
سالار محەمەد دۆسكی:
5-5
ب وێ چەندێ كو ل باژێرێ ناسریێ مە و نە دەركەفتیمە و دناڤبەرا ناسریێ وێ قەزا شوخ و شوێخ، وەكی ژ دهۆك بچیە سێمێلێ و ئەڤە رۆژا نە بوو و سپێدێ دا هێمە سەر جادێ وەكی ژ ناسریێ دهاتن و دا بوو من راوستن و دا چینە بەر دەرگەهێ بنگەهێ پولیسان و ئەز و شوكری دا ل ترۆمبێلێ دا بین و رەشید ئاغا دا چیت ئیمزا كەت، و زڤریت و دا چینە ناسریێ چەیخانەك هەبوو یا كوردان بوو. ئەگەر تو چووبایێ تە هزر كەی كوردەك نەمایە ل دهۆكێ و هەر هەمی هاتینە ڤێرە، و من شەش هەیڤان كار ب دینارەكێ كر و پتریا خەلكێ ناسریێ حەز ل سەر ترۆمبێلێن كویسلە بوو، و ڤولگێن روسی بوون و رۆژەكێ كەسەك هات و فەرمانبەر بوو ل كوچكا پارێزگەها ناسریێ و ل گەل من ئاخفت و گەلەك پرسیار ژ من كرن، و من ژی بەحسێ كاودانێن نەخوشێن ژیانا خوە كر و ئەو كارێ رۆژانە دكەم بەرامبەر پارەكێ كێم و هاتن و چوونەكا دویر دكەم بەلێ نەچارم و چ رێكێن دی نینن، وی كەسێ فەرمانبەرێ ل كوچكا پارێزگەها ناسریێ كاردكر، گۆت دێ جهەكی نیاتەدەم هەرە وی جهی ئەو دێ تە دامەزرینن و مووچەكێ باش دێ وەرگری و دەمی مە پێزانین ل سەر كومپانیا نەبوون و پشتی من قەستا وێ كومپانیێ كری من دیت كومپانیا فەرنسی و ئەلمانی یە وەرگێرێ هەر دو كومپانیا دەركەفت ئێكێ خەلكێ مانگێشكێ دگۆتنێ(ولێم) كاغەزەك ڕادەستی من كر، و گۆت هەرە ئیدارا مەحەلی تاقیكرنێ بكە و ئەگەر تو ب سەركەفتی دێ هێ یە وەرگرتن، و چوومە وێرێ و چەند پرسیار ژ من هاتنەكرن و نڤیسارەك دامن و گۆتن تو ب سەركەفتی و رۆژا دوڤدا چوومە كومپانیێ ومن نڤیسارا خوە دا دەستێ وەرگێری و گۆت ب دووماهی و دێ حەفتیەكێ ل كومپانیێ كاركەی ل گەل ئەندازیارەكی كو سەرپەرشتێ وەرشێ بوو و ئەگەر ژ كارێ تە درزای بوون، دێ بەردەوام بی و ئەگەر رازی نەبوون دێ تە فرێكەنە مال و من حەفتیەكێ كار و پشتی ب دووماهی هاتی وەرگێرێ خەلكێ مانگێشكێ گۆت بەردەوام بە ل سەر كارێ خوە و دو سالان من ل وێ كومپانیێ كاركر.
تاهر تێلی كەمەكی زێدەتر ژی گۆت: وی دەمی چ رەگەزنامە و چ تشت مە نەبوو و بتنێ ئەم روح بووین و خودێ (سەباح) ل ناسریێ دامە و وەرزێ هاڤینێ هات، و من گۆت ئەڤ زارۆكە دێ ژ گەرما دا مرن، رابووم من خێزانا خوە دایكا سالح هنارتە باژێرێ دهۆكێ و نێزیكی دو هەیڤا مانە ل دهۆكێ، و رۆژەكێ من گۆت دێ چمە دهۆكێ دوڤدا و بەری بانگێ سپێدێ بدەت ژ گوندی دەركەفتم و چوومە ناسریێ و ل مەسلەحێ سوار بووم و رۆژ بەژنەكێ بلند بوو، هەتا ترۆمبێل تژی بووی و ترۆمبێل ب رێ كەفت و ئەم نێزیكی زالگەهێ بووین، و ئەز چوومە كوشنێ پشتێ من گۆت بەلكی دەرباز بم و كەسەك چ پرسیارا ژ من نەكەت، و ل زالگەهێ راوستیان و پولیسەك سوار بوو و تەماشەی خەلكی كر، و ئێكسەر گازی من كر و گۆت رابە چونكە سەرۆچاڤێن مە ژ خەلكێ دەڤەرێ جودا بوون، و كورد ئاشكرا بوون و گۆت وەرە خوار و تو ژ كیڤە هاتی بزڤرە وی جهی ڤە وی دەمی هەر كەسەكێ بێی فەرمان زڤریبا دا هێتە سزادامن و ترۆمبێلەكا دی هات و ئەو مژوویل بوون، و سواری وێ ترۆمبێلێ بووم و زڤریمە ناسریێ، بەلێ (رەشید سەعید ئاغا) هندەك جاران دەستیردان وەرگرت، و دهاتە باژێرێ دهۆكێ و رێڤەبەرێ پولیسێن ناسریێ هەسنی بوو و پسمامێ بابێ خالد هەسنی بوو.
تاهر كەمەكی دیاركر، كو ل دووماهی یا سالا 1978 ژ ناسریێ ڤەگەریانە باژێرێ دهۆكێ وی دەمی من ل كومپانیێ كار كر و ئێڤاری هاتمە مال و دایكا سالح گۆت ئەڤرۆ پولیس هات بوون و گۆتی خوە بەرهەڤ بكەن، دێ هەر ئێك ژ هەوە رەوانەی جهێ ویێ رەسەن كەن، و گەلەك كەیفا من هات و سپێدێ زی چوومە كومپانیێ وبابەت من هەمی شرۆڤەكر و لێبورینا مە هاتیە و دێ چنە سەر جه وارێن خوە و كومپانی گەلەك ما ب مە ڤە و گۆتن ئەم حەز دكەین نەچی و بەردەاوم بی و ئەم دێ ب دووماهی ئێین و ل گەل مە وەرە بەسرا، من گۆتێ دێ چمە باژێرێ خوە وێ كومپانیێ نڤیسارەك دامن و گۆت هەر كومپانیەكا بینی بهێت ئەڤێ نڤیسارێ نیشابدە و ئێكسەر بێ پرسیار دێ هێ یە وەرگرتن و ئەم ب ترۆمبێلا سواركرین، ژ ناسریێ وێ شەڤێ ئەم گەهشتینە سامەرا و ئەم ماین و سپێدێ سوار بووین و ئەم ئیناینە فەیدیێ راوستاندین و ئێزدی ڤەگوهاستنە قەسر شرینێ و ل فەیدیێ پیكەمەك بۆ من گرت و كەل و پەلێن من كرنە تێدا و ئینامە دەرێ بنگەهێ پولیسێن دهۆكێ كو دكەتە جهێ پاركا نەوروز یا سەبێ یا نوكە و سوزنامە ل سەر من هاتە چێكرن كو دڤێت تو ژ دهۆكێ نە دەركەڤی و گۆت مالا تە ل كیڤە یە؟. من گۆتێ ل تاخێ شێلێ ئەز ئینامە تاخێ شێلێ، ئەو پێنچ سال بوو من دهوك نەدیت.
تاهر تێلی كەمەكی زێدەتر گۆت: پشتی هاتیمە دهۆكێ من دەست ب كارێ چاككرنا ترۆمبێلان كر ل پیشەسازی یا دهۆكێ وی دەمی رژێما بەعس گەلەك هار ب بوو، زالگەها بێسرێ ئێكێ ئەمنێ لێ بوو دگۆتنێ مەئمون و گەلەكێ توند و نەخوش مرۆڤ بوو و بیرا پتریا خەلكێ دهۆكێ رەفتارێن وی یێن نەمرۆڤانە بەرامبەر خەلكێ باژێری دهێت، بۆ دیرۆكێ دبێژم و گەلەك جاران ب مەرەما چاككرنا ترۆمبێلێن پێشمەرگەی من قەستا دەرڤەی باژێری كریە و هەر پێدڤیەكا هەی من ل گەل خوە برینە و چونكە هاتن و چوونا من یا رۆژانە بوو بۆ پشكنینا ترۆمبێلان زالگەهێ ترۆمبێلن من پشكنین نەكرن، و بتنێ من سلاڤكر و ئەڤە مە دكر وەك پشتەڤانی بۆ پێشمەرگەیێ كوردستانێ و خزمەتكرنا مللەتێ خوە.
تاهر تێلی كەمەكی ل دووماهیێ گۆت: مە گەلەك نەخوشی و دەردە سەری دیتیی نە و هەمی رۆژێن مە نەخوش بوون و بتنێ مە ئەڤەكر دا ئەم ب ئازادی و تەناهی و رحەتی نانەكێ بخوین، ژ خودێ دخازم ئەڤ دەسكەفتێن ملەتێ مە بوومە راگریت و ئەڤێ خوشی و تەناهیێ بۆ مە پارێزیت و ئەڤا مەدیتی كەسەك نەبیت.
