مالا تە
سەلمان شێخ مەمی
مالاتە لکیڤەیە…؟
وەکی ستێرا ل بەر ئەسمانا
ژ چاڤێن من دوور
ل بیرا من ناهێت
من تو دیتی
وەختە ژبیرکەم
ڕەنگێ پرچا تە یا سۆر…
مالا تە
لکیش تاخێ دهۆکێ یە…؟
ل تاخێ ڕەزا و سێ گرکایە
یان ماسیکێ و زڕکایە…؟
بۆ من بوویە، کول و کەسەر
خەمەکا زۆر…
ل ناڤبەرا من و تەدا نینن
چ ڕووبار، چ ئاڤێن کوور
ئەز یێ ل پشتا
گەلیێ بێسرێ
تو ژی هەر یا
ل تاخەکێ دهۆکێ
مامە نابن
چ دەلیڤە، چ ڕێک و بۆڕ…؟
ما من
جارەکێ تو دیتبای
ل بەر پەنجەرێ
یان ل بەر دەری
تە گۆتبا من:
دێ وەرە ژوور.
