شانەیا رێكخستنا مە سەرا شویشتنا وێنەیێن پێشمەرگەی هاتە ئاشكرا كـرن
سالار محەمەد دۆسكی:
2-6
نەورۆز زێدەتر گۆت: بتنێ جارەكێ چوویمە ناڤ پێشمەرگەی ل سالا 1982 چوومە مێرگەلێ وی دەمی سلۆ خدر بەرپرسێ لژنێ بوو، و جارا ئێكێ بوو سلۆ خدر ببینم و دیسا محەمەد خالدێ بالەتەیی بوو و ئەڤە بەری بهێمە دەستەسەركرن، و دوڤدا دەرباز بوویمە سپیندارێ و پاشی ئەزێ هاتیم وی دەمی من هەر دو برایێن خوەیێن پێشمەرگە ل بەرئاشێ دیتن و هەر دو هەیڤا یان سێ هەیڤا چوومە بەرئاشێ، و من سەرەدانێن برایێن خوە دكرن، گەلەك جاران ژ بەر كو برایێن من پێشمەرگە بوون ئەم دهاتینە گازیكرن، و گەلەك یا بترس بوو وی دەمی قوتابی بووم، و دەمێ چووینە سیكێ یا بترس بوو و دەمێ ئەم ل مال یا بترس بوو و هەمان دەم دایكوبابێ من نەزانی ئەز هاتیمە رێكخستن دناڤ رێزێن پارتی دیموكراتی كوردستان دا، بەلێ ئەگەر مرۆڤ كارەكی بكەت هەر دەم یێ بترسە و نەشێی باخڤی.
زیندانیێ سیاسی ئەو ژی دیاركر، كو ل تەباخا 13/4/ 1982 و لدەمژمێر 3ی شەڤێ ژلایێ ئەمنا دهۆكێ ڤە هاتمە دەستەسەركرن، ئەگەرێ ئاشكرابوونا شانەیا رێكخستنا مە، هندەك وێنێن پێشمەرگەی هاتبوونەگرن ژ كوما مە من پێزانین ل سەر نەبوو، و هاشم كرێدارێ مەبوو و مە دو خانی هەبوون ل دهۆكێ و من نەزانی هاشمێ ئێتیتی رێكخستی یە ل گەل مە و (سالح زەید) مە هەڤالنیا بچوویكا تی ل گەل ئێك هەبوو و لتاخەكی مەزن ب بووین، و دیسا من نەزانی ئەو ژی رێكخستی یە ل گەل مە و فلمەكێ پێشمەرگەی هاتبوو گۆت بوو، بوو مە بشون (هاشم و سالح و سەلیم) پۆلیسێن هەوار هاتنێ بوو دناڤ حوكمەتێ بوون، و گەلەك جاران ب ئەركێن خوە دەركەفتن و پشتی هاتیە زیندانێ دا دیاربوو، كو زێدەتر بەلاڤووك ب رێكا هەوار هاتنێ دهاتە بەلاڤەكرن، و كەسەك ژ كەسێ نە حەسیا كویێ هاتیە رێكخستن و ئەزێ گرێدایی بووم ب (رەمەزان سلێمان میتكی) ڤە و بتنێ من ئەو نیاسی و ئەوژی بتنێ ئەز نیاسیم بەلێ (رەمەزانی) نیاسی و دەمێ فلم بریە ستودیویا جمهوری بەرامبەر بنگەهێ پولیسان، و گۆتێ هەرە پاش وەرە و دەمێ فلم هاتیە شووشتن دەركەفت پێشمەرگە، وی دەمی وێنەگر و تۆمارگەه هەمی گرێدایی ئەمن و هەوالگێریا ئیراقێ ڤە بوون، و ئەگەر پەیوەندی ل گەل نەكربا ب رەنگا دەستیردان بۆ نەدهاتەدان و دەمێ سودتویێ فلم شیشتی كو هەمی پێشمەرگەنە، و ئێكسەر ستودیویێ پەیوەندی ب ئەمنێ كر، و چیرۆكا فلمی هەمی گەهاندنێ و ئەوانژی گۆتێ ڕادەستی كەسێ نەكەن، و ئەگەر دهێتێ بێژنێ هەرە نیف دەمژمێرا دی وەرە و دەمێ (سالح و هاشم) چووینە ستودیویێ دا فلمی وەربگرن، و ل دووڤ ئاخفتنێن هەردوكان ل زیندانێ بوومە گۆتین گۆتن دەمێ ئەم چووینە فلمی گۆت نیف دەمژمێرا دی وەرە و ئەم چووینە ناڤ سیكێ گەریاین و پشتی ماوەكی چووینە فلمی و مە وەرگرت ئێكسەر دوویێن ئەمنێ ل پشت مە بوون، و گۆت كا فلمی بدەنەف مە و سەحكرە وێنانان و گۆت گەل مە وەرنە داهێرێ و هەر هەمان شەڤ گەلەك ئێشاند و گۆتی هوون رێكخستنی نە و گەلەك ئێشاندن و ئەوژی ئێكسەر ناڤێ (رەمەزان میتكی) گۆت و پشتی ئەو هاتیە دەستەسەركرن، و ئەوژی دانپیدان ل سەر مە كر، و ئەم (13) كەس بووین و دو هاتنە سێدارەدان و ئەم 11 كەس ژی هاتنە سزادان.
هەمان زیندانیێ سیاسی ئەو ژی گۆت: شەڤا هاتیمە دەستەسەركرن ئەز ل مال بووم و ئەمنێ ژ مال دەرخستم و ئەمنێ دەردورێن مالا مە گرت بوون، وی دەمی هاڤین بوو و خەلك ل سەر بانا دنڤست و ئەم گرتین و ئیناینە خوارێ و گۆتە من ناڤێ تە چیە؟، من ناڤێ خوە نە گۆت و گۆتە برایێ من بەهجت ناڤێ ڤی چیە؟، گۆتێ ئەحمەد ئێكسەر شەقەك لێدا و گۆتێ بۆچی دروا دكەت و گۆتێ نەوروزە و چاڤێن من گرێدان و من نەزانی برایێ من ل گەل من ئینا و ئەم برینە ئەمنێ و ئەم هاتینە گرێدان هەتا سپێدێ و رۆژ ب سەردا هاتە خوار و من نەزانی كی هاتیە دەستەسەركرن و كی نەهاتیە دەستەسەركرن و (18) رۆژا ماینە لبن ڤەكولینێ وەك پێشتر من ئاماژە پێكری، و ل گەل من (12) كەسێن دی ژی هاتبوونە دەستەسەركرن وئەم (13) كەس بووین، و ئەشكەنجەدانەكا تایبەت یا دژوار ل گەل مە هاتەكرن و تایبەت رۆژێن دەسپێكێ وەختێ مە دانپیدان نەكری، و جورێن ئەشكەنجەدانێ ل گەل مە هاتنەكرن و ئەم گەلەك كارەب كرین و هەر پرسیارەكا ژ مرۆڤی هاتباكرن سێ نەتلێن كارەبێ دانان، و ماوێ حەفت بۆ هەشت رۆژا هەتا ڤەكولین ب دووماهی هاتی فەلاقە یا بەردەوام بوو، رۆژا دووێ ئێك ئینا دەف من و ژ ئاخفتنێ من زانی (ڕەمەزان)ە وەك شاهد ل سەر من هات، و دوڤدا ژی دانپیدانێن مە نەهند بوون و ژیێ مە ژی یێ بچوویك بوو و ژیێ من 17 سال بوو، و پێنچ شەش رۆژێن دووماهیێ شنی ئەم هەمی كرینە دئێك ژوور ڤە و من بەرێ خودایێ(هاشم و سالح) چار بۆ پێنچ كەسان من نیاسین ئەو ژی هەڤالێن من بوون، ل تاخی و گەلەك ژی من نەنیاسن و پشتی 18 رۆژا ل رێكەفتی 2/9/1982 هاتمە ڤەگوهاستن بۆ باژێرێ كەركووكێ ل (دەستەیا تایبەتا ل كەركووكێ) ل وێرێ هەمان دانپیدان ب دانپیدانێن ئەمنا دهۆك نەهاتەكرن، و گۆت ئەڤان دانپیدانا وەستەیی هاتیەكرن و دووبارە ڤەكولین هاتەكرن، ڤە و هەر ئێك ژ مە برە ژوورەكا تایبەت و 24 رۆژا ئەم ماینە ژوورێن تایبەت دا، و من زانی دەمێ ئەم دبرینە ڤەكولینێ دەرەجە بوون و دووبارە هەمان پرسیار و قوتان و ئێشانەكا زوور ل گەل مە هاتەكرن، و زیندانێن بتنێ رووبەرێ وان میتەرك و 60 ب میترەك و 60 بوون و بتنێ تێ ڤە بووی و پشتی بورینا 24 رۆژان هەر ل باژێرێ كەركووكێ، بخوە دگۆتنێ هەیئا نووی و هەیئا كەڤن و هەر دو هەبوون، و ئەم برینە هەیئا كەڤن وەكی مەعسكەرەكی بوو و ژوور بوون و دەمێ ڤە گوستین ئەم یێن دهۆكێ ئەز و نایف ژوور ڤە بووین، و (ئەحمەد شنگاری) ژی ل گەل مەبوو، و دەمێ ئەم برینە كەركووكێ ئەڤ كومە ژی ل گەل مە بوون ( ئازاد بۆتی، ئەحمەد شنگاری، سباح گەرماڤی، عەلی بێسری) ئەو ژی شەش كەس بوون بەلێ دەمێ ئەم ژ ژوورێن بتنێ چووینە هەیئا كەڤن ژ ئەڤێ كوێ بتنێ( ئەحمەد شنگاری) ل گەل مە بوو، و سێ كەسێن دی ل گەل مە بوون خەلكێ باژێرێ سلێمانیێ بوون، هەتا سالەك ژی دەربازی بووی كەسەكێ وەك خێزان چ ژ دەنگ و باسێ مە نەزانی و كەسەكێ نەزانی ئەم ساخین یان مرینە و كەسەكێ چ ژ مە نەزانی و چار هەیڤان ئەم ماینە ل وێرێـ رێكەفتی 2/1/1983 ئەم هاتینە ڤەگوهاستن بۆ تەسیفرات ل بەغدا سەر ب ئەمنا بەغدا ڤە بوو، پوستێن بەرا مە دەمێ دبنەر كەركووكێ هرە ل وێرێ دادگەه پێ دهاتەكرن و شەرێ ئیراق و ئیرانێ دەست پێكری، (محكمە الپورە) هاتەدانان و هەیئا كەركووكێ هاتەگرتن و ئەم برینە ئەمنا بەغدا رێكەفتی 18/2/1983 ئەم برینە (محكمە الثورە) دادگەها مە هاتە پاشخستن چونكە ئەم چەند كەسێن برینە دادگەهێ دبچوویك بووین و ئەم هاتینە رەوانەكرن بۆ (معهد الطب العدل) ل بەغدا هاتینەكرن دا كو ژیێن مە بهێنە زێدەكرن.
