رۆلێ من د درامایا (دێ چێبیت) دا بۆ من یێ تایبەت بوو
سندس سالح سلێڤانەیی
ئەكتەریێ گەنج (ڤان نێچیرڤان) د دیدارەكێ دا بۆ رۆژنامەیا ئەڤرۆ گۆت: هەرچەندە ئەڤە نێزیكی سێ سالانە ئەز هاتیمە دناڤ بۆارێ هونەری دا، لێ حەزژێكرنا من بۆ وی كاری یا بەری چەند سالان بوو، پشتەڤانێ سەرەكی ژی بابێ من (نێچیرڤان كەكو) بوو، كو ئەو ژی دەرهێنەرە.
هەروەسا گۆت: ئەز گەلەك حەزژ وان بەرهەمان دكەم یێن كو من پشكداری تێدا كری، ژوانا درامایا (دێ چێبیت) كو رۆلێ من تێدا ئەز سكرتێرێ نۆژدارا دەروونی بووم، ئەڤ رۆلە بۆ من گەلەكێ تایبەت بوو، چنكو گەلەك دەستخۆشی بۆ من ژلایێ بینەران ڤە هاتن، لەورا ئەز چەند سوپاسیا وان بكەم هەر كێمە، چنكو هەر جهەكێ ئەز دچمێ گەلەك رێزێ ل من دگرن و پێشوازیەكا باش ل من دكەن، بۆ زانین ئەز نوكە قوتابیمە ل پشكا شانۆیێ و دێ ل سەر كارێ خۆ وەكو ئەكتەر یێ بەردەوامبم.
