ئاكرێ بوو قارەمانا خولا پلا سێ یا ئیراقێ
ڕاپۆرت: رەمەزان زەكەریا
تیما فوتبۆلا یانەیا ئاكرێ ناسناڤێ قارەمانییا خولا پلا سێیێ یا ئیراقێ ب دەستڤە ئینا، پشتی شیایی د یارییا دووماهیێ دا ب سەركەڤیت ل سەر مێڤانا خوە یانەیا هندییە یا باژێرێ كەربلا ب سێ گۆلێن پاقژ، دیارییا واندا ئەوا دوهی ل یاریگەها یانەیا ئاكرێ ب فەرهەڤبوونا هژمارەكا ئێكجار زوور یا پشتەڤانێن ئاكرێ.
تیما یانەیا ئاكرێ ئەوا دەربازبوونا خوە بۆ خولا پلا دویێ یا ئیراقێ مسۆگەر كری پشتی د كۆما خوە دا شیابوو ل ڕێزا ئێكێ بهێت ژلایێ خوەڤە یانەیا هندییە ژی دەربازبوونا خوە مسۆگەر كربوو پشتی د كۆما دویێ دا ل ڕێزا ئێكێ هاتی و ب فەرمی هەردو یانە دەربازبووینە پلا دویێ یا ئیراقێ، ل دۆر ڤێ دەستكەڤتی رۆژنامەیا ئەڤرۆ بۆچوونێن جودا وەرگرتینە.
عەلی فایەق یاریزانێ یانەیا ئاكرێ گۆت: ئەڤ ناسناڤە پێشكێشە بۆ كارگێریێ و سەرۆكێ شانازێ یانەیێ و هەموو جەماوەرێ تیمێ و خەلكێ كوردستانێ دكەین،پشتەڤانیا هەموو لایەكێ بۆ هۆكار كو یانەیا ئاستەكێ باش و بلند ب درێژاهیا خولێ پێشكێش بكەت ل هەموو یاریان بەردەوام مە هزر دكر ئەم یێ یاریا دووماهیێ ئەنجام ددەین ب گەرماتیەكا زۆر ڤە مە كار بۆ دەستڤەئینانا ناسناڤی دكر.
یونس سلێمان، راهێنەرێ تیمێ گۆت: كارگێریا یانەیێ گەلەك هاریكاربوو ئەو یاریزانێن مە دڤیاین بۆ مە جێبەجێكر ڤێ چەندێ وەكر ب درێژاهیا خولێ ئەوا بۆ باشتركرنا ئاستێ تیمێ پێدڤی بیت ژلایێ كارگێری ڤە هاتیە جێبەجێكرن، مەپەیوەندیەكا باش دگەل یاریزانا هەبوو ئەڤ چەندە هێزەكا دی دا یاریان و ئەنجام سەركەفتن بوو ل خولا پلە سێ یا ئیراقێ.
سوهەیب عەلی پەیڤدارێ یانەیێ گۆت: دلخۆشین بڤێ دەستكەڤتێ پشتی شەش هەیڤێن ماندیبوون و هەڤركی كو ناسناڤێ خولا پلا سێ یا ئیراقێ ب دەستڤە بینین و بینینە كوردستانێ، جەماوەر یاریزانێ هژمارە 12 بوو كاریگەركا زۆرباش ل سەر ئەنجامان هەبوون، دەستەیا كارگێری ب هەموو رەنگا پشتەڤان بوو هەتا شیان دلێ جەماوەرێ یانەیێ و كوردستانێ خۆش بكەین ب سەركەفتن و ناسناڤێ بینن و گەهشتنە خولا پلا دویێ، سوپاسیا پەیامنێر و ستافێ وەرزشیێ رۆژنامەیا ئەڤرۆ دكەین كو ب درێژاهیا خولا پلا سێ یا ئیراقێ دگەل مەبوون ب بەلاڤكرنا سەركەفتنێن یانەیێ.
محەدین تەها سەرۆكێ یانەیێ گۆت: ل دەستپێكا خولێ تیم ب هێز دەركەفت و بەرەڤ پێشڤەچوو ب پشتەڤانیا هەموو لایەكێ دەستەیا كارگێری و جەماوەرو سەرۆكێ شانازێ یانەیێ د.مەردان خدر گەلەك گرنگی و پشتەڤانیا یانەیێ كر ل خولێ دا و ئاكرێ دیرۆك تۆماركر ب دەستڤەئینانا ناسناڤی،ب هیڤینە وەرزێن بهێت ل خولا پلە دو یا ئیراقێ وەك ئەڤسالە ئاستەكێ باش ب پشتەڤانیا هەموو لایەكێ ب دەستڤەبینین.
