هونەر دناڤ خوینا من دایە
دلۆڤان هالۆ
وەلید یوسف، هەلبەستڤان و ئاوازدانەرێ دیارێ باژێرێ زاخۆ، د دیدارەكێ دا بۆ رۆژنامەیا ئەڤرۆ گۆت: دژیەكێ بچووك دا من حەزژ كارێ هونەری دكر، ب تایبەت ژەنینا سازێ و ل سالا (1980) وەك مۆزیكژەن چوومە سەر دەپێ شانۆیێ و هەتا نوكە من ساز بۆ هژمارەكا زۆرا هونەرمەندان ژەنینە، ژوانا (ئەردەوان زاخۆیی، ئەیاز یوسف، حاجی زاخۆیی، نزار حەسەن، غازی زاخۆیی) و گەلەكێن دی.
هەروەسا گۆت: ل سالا (1990) من دەست ب نڤیسینا هەلبەستان و دانانا ئاوازان كر و من هەلبەست و ئاواز داینە گەلەك هونەرمەندان، ژوانا (ئدریس زاخۆیی، سەلام یوسف، عەدنان سالح،دلشاد زاخۆیی، ئیسلام زاخۆیی، كاوەی زاخۆیی، رێكێش سەیرانی، محەمەد جان) و گەلەكێن دی و هەتا نوكە یێ بەردەوامم و چو جاران پەشیمانی كارێن خوە یێن هونەری نەبوویمە و هندی دژیانێ دا مابم دێ خزمەتا سترانا كوردی كەم، چنكو هونەر دناڤ خوینا من دا دژیت.
