دیارییا مەلا مستەفایێ بارزانی دایـە بابێ من هێشتا یا ل دەف مـن پاراستی یـە
سالار محەمەد دۆسكی:
3-7
هەمان پێشمەرگەیێ شۆڕشا گولانا پێشكەفتنخواز گۆت: وی دەمی مە هەڤال هەبوون بۆ نموونە سپینداری یان كارەی یان بێـتكاری، یا دا فەرمان هێت ئەڤان بەلاڤووكا بەلاڤ بكەین بەینە قوتابخانا یان سەرێن رێكا لەشكری دا دانین و من گەلەك بەلاڤووك بەلاڤەكرینە و گەلەك پوستە من ئیناین و برینە و گەلەك جاران بۆ چەك ڤە هاتن و چوون مە كریە و دەمێ پۆستەك دهات ئێكی ڕادەستی ئێكی دكر و خال بۆ خال و ئەژی ئێك ژ خالێن پەیوەندیێ بووم بۆ گەهاندنا پوستەی و گەلەك جاران پوستە مە گەهاندیە كانی ماسێ و ئەوا گەهاندیە ئامێدیێ و بڤی رەنگی هەتا ئەو پوستە دگەهتە جهێ بۆ هاتیە دەست نیشانكرن، گەلەك جاران ب هاتن و چوون و بەلاڤەكرنا پوستان مەترسی كەفتیە سەر ژیانا مە و مە مرنا خوە دیتی یە و ل سالا 1979ێ پشتی ئەم هاتینە بێگوڤا برایێ من ئەوێ شەهید عزەت ل گەل دو مرۆڤێن مە وی دەمی من ترۆمبێلەك هەبوو و عزەتێ برایێ من ل گەل سێ هەڤالێن خوە گۆت دێ چینە ئەفراز من گۆتێ نەچن گۆت ئەم دێ چین و من زانی پێشمەرگە ل كیڤە یە وی دەمی مە ئاگەه ژ ئێك و دو هەبوو، هەرسێ من كرە ترۆمبێلا خوە دا و من ل زالگەها بەعسیا یا بێگوڤا دەربازكرن، و من گەهاندنە گوندێ گركا و من گۆتێ دێ چمە مەتینی فلان گەلی و پێشمەرگە ل وی جهی یە و رۆژا پاشتر ئەز زڤریمە مال و ئەمنا باتیفێ گازی كرم و گۆت چەوا تە ئەف مرۆڤە دەربازی ناڤ پێشمەرگەی كرینە و تە چەوا برینە؟ و من گۆت من ئاگەه ژێ نینە و ئەف ئەڤان كاران ناكەم و گۆت وەنەبێژە نە برینە و نە گەهاندینە گوندێ گرگا و تە فلان جهی دەربازكرینە، وی دەی مە موختارەكێ مەسیحی هەبوو ناڤێ وی (سولیقە) بوو و هەڤالێ مە بوو و موختارێ كومەلگەهێ بوو و بابێ من گۆتێ هەرە دیف را هەرە و بۆ مێژوو دێ بێژم مختار هاتە ئەمنێ و گۆتە رێڤەبەرێ ئەمنێ ڤی مرۆڤی ئازاد بكە و ئەز كەفالەتا وی دكەم ، رێڤەبەرێ ئەمنێ گۆتە موختارێ مەسیحی مە پێزانیێن دروست ل سەر هەنە و ئەوی سێ كەس برینە ناڤ پێشمەرگەی و بناڤونیشان مە پێزانین ل سەر هەنە و پێلە دا خوە دلێ خوە لێ هوین كەین، موختاری گۆتێ ئەز مەسیحی مە و ئەفە موسلمانە و ئەز بێژمە هەوە دێ كەڤالەتا ڤی كەم ئەگەر خرابیەك ژی ژ ئەڤی مرۆڤی چ بیت و ئەفە كارێن بڤی رەنگی ناكەت و ب ئەوان ئاخفتنێن موختارێ مەسیحی ئەز هاتمە ئازادكرن، وی دەمی ئەز دمەترسیێ دا بووم و هەمی پێزانین ل سەر چوونا من بۆ دەڤەرێ و ڤەگوهاستنا ئەوان كەسان بۆ ناڤ پێشمەرگەی ل ئەمنا باتیفا هەبوون، ڕەنگە ئەگەر گەلەك ئێشاندبام و رەنگە من دانپیندان كربا بەلێ سوپاس بۆ موختاری و هاتمە ئازادكرن.
هەمان پێشمەرگەیێ شۆڕشا گولانێ ئەو ژی گۆت: هەر دناڤ جەرگێ دوژمنی دا جارەكا دی ژی هاتمە دەستەسەركرن و گۆتن دڤێت بچیە ئومیێ من گۆتێ ئەز ناچم و چەند رۆژا مامە ل زیندانێ دا و جارەكا دی باب و بۆ ماوێ چەند هەیڤان مانە ل زیندانا زاخو هاتە دەستەسەركرن چونكە برایێ من عزەت ب بوو پێشمەرگە و پاشی مە بابێ من ب كەفالەت ئازادكر وی دەمی (توفیق بەگ) بۆ كەفیلێ بابێ من هەتا هاتیە ئازادكرن.
هەمان پێشمەرگەیێ شۆڕشا گولانا پێشكەفتنخواز ئەو ژی گۆت: حەز و ڤیانا وەلاتی هەر ژ زارۆكینی دناڤ جەرگ و دلێ مە دا بوو و گوندێن مە دناڤ شۆڕشێ بوون و هێشتا ئەم زارۆك مە هاتن و چوونا پێشمەرگەی دیت و مەزانی ئەم مللەتەكی دمەزلومین و غەدرە یا ل مە هاتیەكرن و خزمەتكن و بەرەڤانیكرنا ئاخا كوردستانێ هێشتا ئەم زارۆك دسەرێ مە دابوو چونكە مە رۆژانە باب و مام و مرۆڤێن خوە دیتن وەكی چەكێ شەرەفێ دەستی دا و بەرەڤانی ژ ئاخا كوردستانێ دكر و لەوما ئەو هیڤیا مە بوو ئەم مەزن بین ببینە پێشمەرگە، بەری بچمە ناڤ رێزن شۆڕشا گولانێ وەك رێكخستیەكێ نهێنی بووم و دیسا وی دەمی حوكمەتا بەعس گەلەك خەلك ب تەعدا دكرە بەعسی بەلێ ئەز نە ب بوومە بەعسی، دو جارا بەرپرسێ رێكخراوا بەعسیا ل بێگۆڤا گازی كرم، داخاز ژ من كر بچمە ناف رێزێن حزبا بەعس و گۆت تو مرۆڤەكێ باشی و پەوەندیێن باش تە هەنە و دڤێت ببیە بەعسی و من گۆتێ سەدام حسێن بێژیت ئەو كەسێ بەعسی نەبیت هەر خەلكێ ئیراقێ یە و چ جوداهی نینە و گۆت دڤێـ تو ببیە بەعسی، من ژی گۆتێ خودێ كەریمە، گۆتی مادەم تە گۆت خودێ كەریمە ئەو تە سوزدا، ل سالا 1981 مالا مە ل گومەلگەها بێگوڤا بوو هەر وێ سال من دەست هاڤێتە چەكێ شەرەفێ و چوومە ناڤ رێزێن شۆڕشا گولانێ و ئێكەم پەیوندیا من ب لژنا ئامێدیێ بوو وی دەمی لژنا ئامێدیێ مەفرەزە بوو، و بارەگا نە بوو هەر رۆژ ل گوندەكی و هەر شەڤ ل جهەكی بوو، یرا من دهێت ب شەڤێ ل ئاڤێ دەربازبووم چوومە گوندێ بابیرێ و ب شەڤ و نەشیام ب رۆژ بچم هەكە داه ێمە گرتن و و دەمێ چوویم مامە ل مالا حەكیمێ بابیری مامێ عەبدولخالق بابیری و گەلەك خوش مرۆڤە وی دەمی عەبدولخالق قوتابی بوو و دخاند، و رۆژا دوڤدا چوومە بێلیزانێ وی دەمی لژنا ناوچا ئامێدیێ وێرێ بوو و ئەم هاتینە وەرگرتن و نڤیسار بوومە دروستكرن كو سەرەدانا لقێ بكەین ل كوماتەی و دەمی د. جەرجیس بەرپرسێ لقێ بوو و مە سەردانا كوماتەی كر و ئەم هەیڤەكێ ماینە لقێ، و دوڤدا ئەم هاتینە رەوانەكرن بۆ لژنا ناوچا ئامێدیێ و رێكخراوا شەهید خدر هروری و شنی ئەو رێكخراو هاتبوو پێكئینان و ئە ز بوومە ئەندامێ رێكخراوێ سەر ب لژنا ناوچا ئامێدیێ ڤە، وی دەمی سەید نوری چەم سەیدی بەرپرسێ رێكخراوێ بوو و چەندین چالاكیێن لەشكری ئەم شیاین ب سەركەفتیانە ئەنجام بدەین، پشتی دەربازبوونا ماوەكی و زێدەبوونا پێشمەرگەی ل رێكخراوێ دا ب فەرمانەكێ رێكخرا هاتە دابەلاڤكرن بۆ دو رێكخراوان.
پێشمەرگەیێ شۆڕشا گولانێ ئسماعیل سادق عەزیز، بەحسێ چەند چالاكیێن رێكخراوا شەهید خدر كر و گۆت: دو جاران لێدانا بێگوڤا ل سالا 1982 ب دوشكا مە هێرشی بارەگایێ لیوا بێگوڤا كر، دو جارا مە هاڤێتە رەبیا گرێ سپی بەرامبەر لیوایێ، جارەككی فەوجا سۆتكی مە یا دانیێ ب توپا و دوشكا، جاران مە كەمینە داناینە سەر جادێ ل كانی ماسێ و بێگوڤا و گەلەك جاران تەقدمێن دوژمنی هاتینە و مە بەرسینگ كرینە و دووبارە مە زڤراندینە جهێ ژێ هاتین.
