ئاخینکێن هەناسەیەکا ئەشقێ
هشیار ئیبراهیم
ئەشق د وەلاتێ من دا یا بوویە شەرمەکا پێخاس
دناڤ کۆلانێن دەریایەکا ڕویس دا
یا بوویە هەناسەیا خەیالەکا مری
ل بن سیبەرا ئەورەکێ حیز دا
یا بوویە هەلامەتەکی شاش
دناڤ سیتاڤکا بابەلیسکەکا دین دا
یا بوویە مینا دەمارێن ساخەکێ بی ڕوح
دناڤ تابویتەکا شکەستی دا
یا بوویە پەحڤەکا دو ڕوی
دگەوریا باژێرەکێ ویران دا
یا بوویە مینا هەژارەکێ بەخت ڕەش
دناڤ خەیالێن هەستەکا درەوین دا
یا بوویە سویارێ هەسپەکێ ئەحمەق
ژسیتافکا خوە دترسیت
دەمێ دکەڤیتە د مەیدانێ دا
یا بوویە دویکێلا جگارەکا شکەستی
لبەر لێڤا ئختیارەکێ نڤستی دا
یا بوویە قەدەرا سەرهاتیێن زارۆیەکێ
هێشتا نەبووی د ژیانێ دا
یا بوویە… یا بوویە… یا بوویە.
