بێ سۆزێ
هشیار ئیبراهیم
بێ سۆزێ،
ئەڤە سال گەهشتە سالێ
هێشتا من تو نەدیتی..
ل سەرێن رێکان
چاڤەرێ مە و
کەسێ بۆ من چ نەگۆتی..
بێ سۆزێ،
هەڕۆژ من دگەل ڕۆژێ ژڤانە
دا بهێم تە ببینم..
یێ بوویمە هەڤالێ شەڤێ
بتنێ سەبرا خوە ب ستێران دئینم..
بێ سۆزێ،
من چەند ڤیابا تە ببینم
تە هند ئەز چاڤەرێ دکرم..
بزانە تو بێ وەفا بووی
سۆزێن تە داین من ژبیرکرن..
بێ سۆزێ،
مانە بەسە هندە خوە ل هیڤیا تە دگرم
سالێن ژیێ من خلاس بوون
تێرا دیتنا تە نەکرن..
بەس جارەکێ تە ببینم
بلا پاشی ئەز بمرم.
