داڤەک جادۆیی
عەدنان ئەحمەد مزووری
بێژینکێ،
ڕەخنە ل دەرزیکێ گرت
چونکی -عەیب نەبیت –
کونەکا لێ!
—————-
هەکە یێ دوڕوی،
جهێ وی بنێ جەهنەمێ بیت
پا یێ دەرزنەکێ ڕوییا هەی
دێ ل کیڤە بیتن؟!
—————-
من حەز ژ قەهوا تەعل نەکریە
و ل تازی یا تە ڤەدخۆم،
تنێ،
شرینیا یادگارێ سڤک دکەت…
—————-
ل گوندەکێ بچویک،
مەزن بووم..
نهۆ،
د باژێرەکێ مەزن دا،
بچویک دبم!
————–
حەز ژ هەمی تەیرا دکەم
تنێ ئەو نە
«یێ ل ئەسمانا دگەڕیت
هارا هار دکەت
و ژارا ژار دکەت…!»
—————-
بلا ئاڤ،
بەرێن ئاشێن وە ب بەت
لێ، کەنگرپەڕێن مە
خیچا سۆرن…!
—————-
باوەر نەکە،
دەیکا دزیکەری
– وەکی بەرێ –
دوو تڕا بکەت،
نۆکە،
ئێکە یا کەیفێ یە!!
—————
جەزوێ قەهوێ یە،
ل سەر پەلا،
و یێ حەسیدیا پێ دبەن!!
—————
گۆڕستانا کەڤن،
داخازا لێبۆرینێ
ژ مریێن نوی دکەت…!
یا ئەم دزانین،
«موغبەر مریا نا ڤەگێڕیت»!
—————
نزا بۆچی، هەست دکەت
کو داڤەک جادۆیی،
ئەڤێن ئەو د بینییت
دگرێدەت،
وەکا تزبییەکا سەدوئێک…
