رۆژانە نێزیكی ٣٠٠ تەنێن بەرمایكان ل سێ قەزایان دهێنە كۆمكرن
رەمەزان زەكەریا:
روژانە ل سنوورێ هەرسێ قەزایێن ئاكرێ و بەردەڕەش و شێخان نێزیكی ٣٠٠ تەنێن بەرمایكان دهێنە كۆمكرن و ئێكسەر بۆ ناڤ كارگەها ریسایكلینا ئاكرێ دهێنە ڤەگوهاستن و ل ناڤ كارگەهێ دا ب رێیێن زانستی هەموو دهێنە ژێك جوداكرن دا كو دووبارە مفای ژێ بهێتە وەرگرتن.
مەسعود زۆبێر، خودانێ كۆمپانیا MRF ل سنوورێ دەڤەرداریێن ئاكرێ و بەردەڕەش و شێخان بۆ ئەڤرۆ گۆت: رۆژانە كارێ راكرنا گلیشێ ل هەر سێ دەڤەرداریان دكەین كو ژ ٢٠ باژێرڤانیا پێكدهێت و ل هەر باژێرڤانیەكێ ئەڤا نوكە ل وەرزێ هاڤینێ دهێتەكرن مە دەمژمێرێن كاركرنێ ئیناینە پێش دەمژمێر سێ سپێدێ دەستپێدكەین هەموو ئەو بەرمایكێن دهێنە كۆمكرن ئێكسەر دهێنە ڤەگۆهاستن بۆ ناڤ كارگەها ریسایكلین ل ئاكرێ و دهێنە ڤاڤارتن.
ناڤبری گۆتژی: بۆ دەمێ ١٢ سالایە كارگەها ریسایكلینا ئاكرێ ژ لایێ حكومەتا هەرێما كوردستانێ ڤە ل هاتیە دانان كو ل جهێ ژناڤبرنێ ئەڤان بەرمایكان ب رێیا ئامێرێن پێشكەفتی و دەستێ ٨١٢ ژینگەهدۆستان ژێك جودادكەن و پەینێ ژێ بەرهەم دئینن.
ناڤهاتی گۆت: مفایێ كارگەهێ ئەوە ب شێوازەكێ زانستی كار تێدا دهێتەكرن ئەو گلێشێ دهێتە كۆمكرن دوبارە دهێتە ب كارئینان ب ئامێرێن ئۆتۆماتیكی پشتی تەمامبوونا كارێن ریسایكلینێ ئەو بەرهەم دووبارە دهێنە ب كارئینان وەك كۆمپۆست دبیتە سەمان بۆ چاندنێ.
ئاشكراكر: سالانە د ناڤ كارگەهێ دا ١٥٠ بۆ ٢٠٠ هزار تەنێن بەرمایكان دهێنە كۆمكرن و ژێك جوداكرن ئەگەر ئەڤ هەموو بەرمایكە نەهاتبانە كۆمكرن دا بەرەڤ كیڤە ڤە چن.
