مە دوژمناتی ل گەل وەلاتێن دەڤەرێ نینە
وەزیرێ دەرڤە یێ ئیرانێ دیار کر، ئێرشێن وان ل دژی بنگەهێن ئەمریکا نە و ئیرانێ چو دوژمناتی ل گەل وەلاتێن دەڤەرێ نینە و پشتی راگرتنا شەڕی ژی ئیرانێ دەست ب قووناغەکا نوو ل گەل هەموو وەلاتێن دەڤەرێ کریە و دێ دانوستاندن ژی هێنە کرن دا باوەری د ناڤبەرا ئیرانێ و وەلاتێن دەڤەرێ دا دروست بیت.
عەباس ئیراقچی ئەو یەک ژی دیار کر، ئەمریکا و ئسرائیل دخوازن ئالۆزیێن ل دەڤەرێ بەردەوام بن، وان دڤێت دوژمناتیێ د ناڤبەرا ئیرانێ و وەلاتێن رۆژهەلاتا ناڤین دا دروست بکەن، لێ ئیرانێ دڤێت تشتەک وەسا روو نەدەت و ئیران چو وەلاتێن رۆژهەلاتا ناڤین وەکو دوژمن نابیت و گرنگە هەموو وەلاتێن رۆژهەلاتا ناڤین ژی هەمان دیتن بۆ ئیرانێ هەبیت.
