159 مۆلەتێن نوو بۆ پڕۆژەیێن وەبەرهێنانێ ل دهۆكێ هاتینە دان
دلۆڤان ئاكرەیی:
هۆكارێن سەرەكی یێن ڤێ سەركەفتنێ دزڤڕن بۆ پێشكێشكرنا ئاسانكاریێن مەزن ژ لایێ حكومەتێ ڤە بۆ وەبەرهێنەران بەخشینا پڕۆژەیان ژ باج و رسوماتان، ب تایبەتی د ناڤچەیێن وەك (شێخان، ئامێدی، ئاكرێ، و بەردەڕەش) داكو هەوڵێن ئاواكاریێ هاوسەنگ بن.
د. هەڤال سەدیق، رێڤەبەرێ گشتی یێ وەبەرهێنانێ ل پارێزگەها دهۆكێ بۆ رۆژنامەیا ئەڤرۆ گۆت: كابینەیا (9)ێ یا حوكمەتا هەرێما كوردستانێ، ژ سەرجەمێ گشتی یێ وان مۆلەتێن بۆ پڕۆژەیێن وەبەرهێنانێ هاتینە دان دبنە (365) پڕۆژە، بەلێ مۆلەتێن كابینەیا نەهێ دا دبنە (159) مۆلەت بۆ پڕۆژەیان هاتینە دان، ئەڤە ژی دبیتە ڕێژەیا (43.56%) ژ سەرجەمێ گشتی یێ مۆلەتان.
د.هەڤال سەدیق باس ل گەشەسەندنا ساڵانە یا پڕۆژەیێن وەبەرهێنانێ یێن كابینەیا (9)ێ كر و دیار كر، هژمارا پڕۆژەیێن مۆلەتپێدایی ساڵ بۆ ساڵێ بەرەڤ بلندبوونێ چوویە ب ئاوایەكی كو ساڵا 2019 = 2 پڕۆژە بوون و ل 2023ێ گەهشتنە 23 پرۆژەیان و ل ئەڤ سالە حەفت پرۆژە و گۆت: سەرجەمێ گشتی یێ پڕۆژەیێن كابینەیێ: (159) پڕۆژەنە، سەرجەمێ گشتی یێ سەرمایەی: ژ دەمێ دەركەڤتنا یاسایا وەبەرهێنانێ 2006ێ هەتا نوكە، قەبارێ سەرمایەیێ گشتی یێ پڕۆژەیان گەهشتییە (6,563,954,324) ملیار دۆلاران.
