ئیران: دڤێت رێککەفتنا مەککەهێ نەبیتە ئەگەرێ ئارێشەیێن نوو
پەیڤدارێ وەزارەتا دەرڤە یا ئیرانێ دیار کر، رێککەفتنا مەککە یا د ناڤبەرا هەر سێ وەلاتێن پاکستان، تورکیا و عەرەبستانا سعوودیێ دڤێت نەبیتە ئەگەرێ روودانا ئاریشەیێن نوو، رێککەفتنا مەککە نیشا ددەت کو وەلاتێن دەڤەرێ ئێدی تێگەهشتن دڤێت پێکڤە کار بکەن و پشتا خوە ب هێزێن دەرڤە گەرم نەکەن و گرنگە هەر سێ وەلاتێن کو رێککەفتن ئیمزا کرینە ب کریاری نەبنە ئەگەرێ روودانا ئالۆزیێن نوو ل رۆژهەلاتا ناڤین.
ئیسماعیل بەقایی ئەو یەک ژی دیار کر، ئیرانێ دڤێت پەیوەندیێن خوە ل گەل هەموو وەلاتێن دەڤەرێ باش بکەت و گرنگە هەموو وەلاتێن رۆژهەلاتا ناڤین ژی هاریکاریا هەڤدو بکەن و ئێدی نەبنە پشکەک ژ ستراتیژیا شەڕی یا ئەمریکا ل دەڤەرێ، چونکی ئەمریکا هەردەم کار بۆ ڤێ یەکێ دکەت کو رەوشا دەڤەرێ ئالۆز بیت و مخابن هندەک وەلاتێن دەڤەرێ ژی بەری نها هاریکاریا ئەمریکا کرن و هیڤیدارین ئێدی ئەو یەک دوبارە نەبیت.
