ئسرائیل دێ ئێرشی ئیرانێ کەت
بەرپرسەکێ سەربازی یێ ئسرائیلێ کو ناڤێ وی نەهاتیە ئاشکرا کرن بۆ کەنالێ ١٣ یێ وی وەلاتی دیار کریە، بزاڤێن ئیدارەیا ترامپی ل گەل ئیرانێ دێ بیتە ئەگەرێ بهێزبوونا ئیرانێ و ئەو یەک مەترسیەکا گەلەک مەزنە بۆ پاشەرۆژا ئسرائیلێ، چونکی ئیرانێ هەتا نها چو مەرجێن ترامپی قەبوول نەکرینە و هەروەسا ئیران یێ بزاڤان دکەت بابەتێ دەرتەنگا هورمزێ ژی ب رەنگەکێ دی بکار بینیت و ژ بەر ڤێ یەکێ ژی ئسرائیلێ بەری نها بۆ بەرپرسێن ئەمریکا ژی دیار کریە کو ئەو ژ رەوشا نها رازی نینن و ئسرائیل دێ یا پێدڤی بۆ پاراستنا خوە کەت.
هەمان بەرپرسی ئاماژە ب ڤێ یەکێ ژی کریە کو ئسرائیل بەرهەڤیان دکەت کو د دەمەکێ گونجای دا ئێرشی ئیرانێ بکەت و نها بەرهەڤیێن تەمام ژی ژ ئالیێ لەشکرێ ئسرائیلێ ڤە هاتینە کرن.
