هەشتێ بهار

صالح دۆسكی

ل ژێر سیبەرا
چیایێن كانیكێن شرین
مێژوویێ
هەشتێ لاپەڕێن زێڕین نڤێسین…
ژ هزرا ڕێبازەکا پیرۆز و
ڕۆناھییا هیڤییێ
بارزانی
ڕێکا خەباتێ
ل تەباخێ نەخشاند
دارا مافێ گەلی چاند
ڕۆژ و سالێن تەمەنێ خۆ
كرن باران و لێ ڕەشاند..

هەشتێ سال
ژ خۆڕاگری و ڕاگرتنێ
رەوشێن سەخت
کرنە پرێن سەرکەفتنێ..
د ناڤ جەرگێ
دوژمنی دا
شۆرش
بوو دەنگێ نەتەوەکی
و ئالاھەلگرا پاشەڕۆژا گەش…

هەشتێ بهار
پڕ خزمەت و بەردەوامی
بانگێ مافێ مە ب تەمامی
ئێك باوەری،
هەمان هەلویست
گەلەك بزاڤ و
ئێك پرەنسیپ
ئاشتی و ئازادی و دیموكراسی…
و دێ هەر مینیت
چیایێ چ جار نە هەژیت
هەمبێزا خەون و هیڤیان
رێكا مزگینی پێ ڕادگەهیت.

کۆمێنتا تە