پیرۆزە ١٦ی تەباخێ
عەبدلقادر ئورمانی
ل ڤێ ڕۆژا هە
چیا و رووبار گڕنژین
پشكڤین گولێن زەر
ئاسمانی گوهۆڕی
رەنگێ خۆ یێ شین
ل بەر مە ڤەبوون
تەڤ رێك و دەر.
***
ل ڤێ ڕۆژا هە
شادبوون پیر و شیر
گەشبوون خەتیر
دەرمان بوون
هەمی برین
جانێ پاکێ شەهیدا ژی
سلاڤ كره سەر.
****
ل ڤێ ڕۆژا هە
ژ دایك بوو ئازادی
ژ دایك بوو ژین
ژ دایک بوو ڕزگاری
ژ دایک بوو ڤین
دامەزرا پارتی و
ژ دایك بوو بارزانی
ژ دایك بوو سەروەر.
***
ل ڤێ ڕۆژا هه
تیشكێن ڕۆژا گەش
بڕین عەورێن تاری
سلاڤكر شەكره واری
ئێكسەر بارانا ئازادیێ باری
پێ شادبوون گوند و شار
سنوور دانان بۆ دوژمنا
بەسه بندەستی و
راگەهاند شەر.
***
ل ڤێ ڕۆژا هە
ئەندیشه بوونه ڕاستی
هەست بوونه ئاوات
شۆرەش بوونه بەرهەم
هەدار و خوڕاگری
بوونه داهات.
بارزانیێ باب بنیات دانا
وەلات پاراست و
دۆژمن کرنە دەر.
***
ل ڤێ ڕۆژا هه
ئەی رەقیب ب زێری
هاتە تامدان
ژ دایك بوون شۆرەش
ئەیلۆل و گولان وسەرهلدان
بۆ تەڤ جیهانێ ژی خویابوو
کینە ئەم پارتی
كینه ئەم پێشمەرگە
كینه خودانێن دروشمێ
«یان كوردستان یان نەمان»
کینە ب دروستی
خاک پارێز و کورد پەروەر.
