دڤێت مەرجێن ئۆجەلانی بهێنە باشکرن
دەولەت باخچەلی سەرۆکێ پارتا بزاڤا نەتەوەپەرست یا تورکیا بۆ دەزگەهێن راگەهاندنا تورکیا دیار کر، پشتی دەرکەفتنا یاسایا ئاشتیێ ل پەرلەمانێ تورکیا نها گرنگە یاسا بکەڤیتە وارێ بجهئینانێ و بێگومان بۆ ڤێ یەکێ ژی دڤێت کارێن مەزن بهێنە کرن و گرنگە مەرجێن ئۆجەلانی ل زیندانێ بهێنە باشکرن دا ئەو بشێت ژ بۆ پێشڤەبرنا قووناغا ئاشتیێ و تورکیا بێ تیرۆر یا پێدڤی بکەت.
باخچەلی د پشکەکا دی یا ئاخڤتنا خوە دا ئەو یەک ژی دیار کر، چو تشتێن نهێنی د قووناغا تورکیا بێ تیرۆر دا نینن، مە دڤێت تورکیا ژ تیرۆرێ و شەڕی قورتال بکەین و وەلاتەک نوو ب پشکداریا کوردان و هەموو نەتەوەیێن دی ل تورکیا دروست بکەین، ژ بەر شەڕێ چهل سالێن بۆری زیانێن گەلەک مەزن گەهشتینە تورکیا و نها سەردەمێ برایەتیێ و پێکڤەژیانێ یە و قووناغا تورکیا بێ تیرۆر د راستی دا قووناغا ئاشتیێ و برایەتیێ یە و مە دڤێت ئێدی ل تورکیا هەموو وەلاتی وەکو ئێک بن و وەکو برا پێکڤە بژین، ژ بۆ بەردەوامیا قووناغا ئاشتیێ ژی گرنگە مەرجێن ئۆجەلانی ل زیندانی بهێنە باشکرن.
