دێ ژنوی بێژم
عەدنان ئەحمەد مزووری
یا بەری چەند سالا
دسینگی دا هەلگرتی
دێ لبەر تە ڕائێخم:
ڕاستە نەبووم گولەک
دبەر دەرسۆکا تە ڕا…
و تە بەژن، چیایەک بوو..
تەمەت هیڤییا مە
لێ نەبووم ستری ژی
و تو باربووی لسەر پێیا…
شەڤا ئەز شەلاندم…
و ئەشقا تە،
یا د ناڤ پڕاسویان دا نەدیتن…
هەر سپێدە،
– ژ دویر ڤە –
من سلاڤ دکرە تە…
چەند من دڤییا، تە گوهـ ل من بیتن
من تو ددیتی،
– چ گاڤا خەو ب چاڤێن من دکەت
مێژووەک ڕاپێچای،
سواری هەسپەکێ سپی..
و ئەزێ دویر
تو د دلێ من دا ڤەشارتی بووی
دەمێ پێنگاڤ ڕەڤین
و ڕێکێ
خۆ لمن نە کریە خودان
دناڤ گەنمی دا بووم
و چاڤێ من ل ئیشییێ تری بوو
دویری تە،
من پەل، دناڤ لەپێ خۆ دا دگڤاشت
ژبەر ناڤێ تە،
ژبەر شڤانێ ژ من و تە دویر
نەختێ نهێنییا گرانە…
ب دزیکانیڤە من دنڤێسی
من نەدزانی
ئەزێ خەونەکێ دنەخشینم
بۆ ڕۆژا
دهات زویتر
ژ یا پێشبینیکری.
