ب پشكداریا ٦٥ كۆمپانیان پێشانگەها براندێن كوردستانێ ل زاخۆ هاتە ڤەكرن
زاخۆ، دلۆڤان هالۆ:
ل ژێر چاڤدێریا گوهدار شێخۆ، سەرپەرشتێ ئیدارەیا سەربخوە یا زاخۆ و ب ئامادەبوونا دام و دەزگەهێن حكومی و حزبی و كەسایەتی و بازرگانێن كوردستانێ و وەلاتیان، ب پشكداریا 65 كۆمپانی و براندێن خۆمالی یێن سەرانسەری كوردستانێ، ئێكەمین پێشانگەها براندێن كوردستانێ ل كۆمەلگەها گەشتیاری یا گوندێ سپی ل ئیدارەیا سەربخوە یا زاخۆ هاتە ڤەكرن.
ئەڤ پێشانگەهە ژ لایێ كۆمپانیا ڕاست گرۆپ و كۆمپانیا ڤاڤار ڤە هاتیە ڕێكخستن، د چەندین بیاڤێن هەمەجۆر دا كۆمپانی و براندێن خۆمالی پشكداری د ڤێ پێشانگەهێ دا كرینە، وەكو: بەرهەمێن خوارن و ڤەخوارن و شریناهی و كارێن دەستی و جلك و پاقژكەر و چەندین بیاڤێن دی.
هەر شەڤ د ڤێ پێشانگەهێ دا ئاهەنگێن تایبەت یێن هونەری دهێنە ئەنجامدان، زێدەباری چالاكیێن هەمەجۆر و بەلاڤكرنا دیاریان ل سەر ئامادەبوویێن پێشانگەهێ، پێشانگەه بۆ دەمێ 11 ڕۆژان و ژ دەمژمێر 6ی ئێڤاری هەتا 12ی شەڤ دێ یا بەردەوام بیت، دیسا ئەڤرۆ 30/8/2026 ب پشكداریا هونەرمەند حەسەن شەریف دێ ئەڤ پێشانگەهە ب دووماهی هێت.
