ل نەخۆشخانەیا تەنگاڤیان ل زاخۆ بێ بەرانبەر گولچیسكێن نەخۆشان دهێنە شووشتن
زاخۆ، دلۆڤان هالۆ:
ل بەشێ شووشتنا گولچیسكان یا نەخۆشخانا تەنگاڤیان ل ئیدارەیا سەربخوە یا زاخۆ، ڕۆژانە ب شێوەیەكێ بێ بەرامبەر گولچیسكێن نەخۆشان دهێنە شووشتن، و ئەڤ چەندە بوویە بارسڤكیەك بۆ نەخۆشان كو پێدڤی ب نەخۆشخانێن نە حكۆمی نەبن.
ئەمیر عەلی، بەرپڕسێ ڕاگەهاندنا ڕێڤەبەریا گشتی یا نەخۆشخانا زاخۆ بۆ ڕۆژناما ئەڤرۆ دیار كر، بەشێ شووشتنا گولچیسكان ل نەخۆشخانا تەنگاڤیان یا زاخۆ ڕۆژانە ب شێوەیەكێ بێ بەرامبەر گولچیسكێن نەخۆشان دشوون، ئەڤ چەندە بوویە بارسڤكیەك بۆ نەخۆشێن گولچیسكان چونكی ل نەخۆشخانێن نە حكۆمی شووشتنا گولچیسكان بارگرانیەكا دارایی یە بۆ نەخۆشان.
ناڤهاتی ئاماژە ب وێ چەندێ ژی كر، هەر نەخۆشەكێ گولچیسكان حەفتیانە دوو هەتا سێ جاران د حەفتیێ دا پێدڤی ب شووتنا گولچیسكان هەیە، و پڕۆسەیا شووشتنا گولچیسكان بۆ هەر نەخۆشەكێ سێ هەتا چار دەمژمێران ڤەدكێشیت.
گۆت ژی:»ئەڤ بەشێ شووشتنا گولچیسكان ل نەخۆشخانا تەنگاڤیان ل زاخۆ، بۆ ماوێ 24 دەمژمێران ب ستافەكێ تایبەت یێ پێكهاتی ژ 14 نۆشدار و پەرستار و كارمەندان د خزمەتا نەخوەشێن گولچیسكان دانە».
