حەزدكەت ئاهەنگەكێ ل كوردستانێ بگێڕیت
بێوار حەمدی
سترانبێژ (ئالان سلێمان) كو نوكە ل وەلاتێ (سوید) دژیت، د دیدارەكێ دا بۆ رۆژنامەیا ئەڤرۆ گۆت: ئەڤە حەفت سالن ئەز ب شێوەیەكێ فەرمی سترانان دبێژم و هەتا نوكە من (14) كلیپ بەلاڤكرینە و هژمارەكا دی ل بەر دەستن، خۆشحالم وەكو گەنجەكێ كورد د بۆارێ سترانگۆتنێ دا، ب تایبەت ژی ژ دەرڤەی وەلاتی خزمەتا هونەرێ كوردی بكەم.
هەروەسا گۆت: ئەو سترانێن من گۆتین و كلیپكرین هندەك ژێ ژ پەیڤ و ئاوازێن منن، هندەك ژی ژ پەیڤ و ئاوازێن چەند هەلبەستڤان و ئاواز دانەرانە، پتریا سترانێن من ئەڤینی نە و گەلەك حەزژێ دكەم، بۆ زانین ئەڤە دو سالن ئەز دچمە شەهیانان ژی و ب دیتنا من مە سترانبێژێن خودان شیان و دەنگخۆش هەنە، لێ پتر پێدڤی ب چاڤدان و پشتەڤانیێ نە، سەبارەت بەرهەمێ نوو ژی من ستران دڕێزێ دا هەنە و حەزدكەم بهێمە كوردستانێ ئاهەنگەكێ بگێڕم.
