پنیدۆزی ئازارێن گەلێ كورد نیشادان
بێوار حەمدی
سنەماكارێ گەنج (سەروەر موكری) د دیدارەكێ دا گۆت: ئەڤە چار سالن ئەز دبۆارێ سینەمایێ كاردكەم و هەتا نوكە من پشكداری د چەند بەرهەمێن هونەری دا كریە، دگەل چێكرنا سێ كورتە فلمان، كو ئێك ژوان كورتە فلمێ (پنیدۆز) ە، كو ژ نڤیسینا من و ژ دەرهێنانا (حەسەن محەمەد)ە، ئەڤ كورتە ب هاریكاریا زانكۆیا جیهان هاتیە چێكرن.
هەروەسا گۆت: مەرەم ژ چێكرنا ڤی كورتە فلمی ئەوە كو ئازارێن گەلێ كورد بۆ جیهانا ژدەرڤە دیاربكەین و ب رێكا هونەری بدەینە نیشادان، ناڤەڕۆكا ڤی كورتە فلمی ل دۆر (پنیدۆزەكی) یە كو ئازارێن شەڕی و شەهیدێن كوردستانێ دبنە ئەگەر كو ئەو هاریكاریا زاڕۆكەكی بدەت كو د شەڕێ ب رێڤەبرنا ژیانا خۆ دایە، بۆ زانین هەتا نوكە ڤی كورتە فلمی پشكداری د دو فێستیڤالان دا كریە، كو ئەو ژی ل وەلاتێن ( ئیتالیا و بریتانیا).