گەنجەكێ كورد ژ كۆچبەریێ بەر ب جیهانا مۆدێلان
دلڤین رەشید:
نیشادەرێ جلكان (ئومەر بەكر) د دیدارەكێ دا بۆ رۆژناما ئەڤرۆ گۆت: ئەز كوردم و خەلكێ كوبانێ مە ل رۆژئاڤایێ كوردستانێ و نوكە ل وەلاتی هولەندا دژیم، وەك گەنجەكێ كورد ژ كۆچبەری بەرەف چیرۆكا سەركەفتنا جیهانا مۆدێلان و نیشادانا جلكان، شیا ناڤێ خۆ ل سەرئاستێ نێڤدەولەتی د جیهانا مۆدیلان دا تۆماربكەت.
ناڤهاتی گۆت: دەمێ شەڕ و ئالۆزی ل دەڤەرێ پەیدا بووین ئەز وەك ب سەدان گەنجێن دی یێن كورد كۆچبەری وەلاتێن بیانی بووین، بەلێ ئاستەنگێن ژیانێ نەشیان ببنە رێگر هەمبەر ئارمانجێن من ، من بزاڤكرن بگەهمە خەونێن خۆ یێن زاڕۆكینی ئەو بو چوومە دناڤ جیهانا نیشادانا جلكان دا، هەروەسا ب ڤێ رێكێ ئەز شیام كلتوور و ناسنامەیا خۆ یا كوردی ژی ب پارێزم و سەرنجا خەلكەكی ژی ڕابكێشم، بۆ زانین من پشكداری د چەندین فێستیڤالێن نیشادانا جلكان ل سەر ئاستێ نێڤدەولەتی دا كریە، ژ وانا ژی ل وەلاتێ چینی شیام ب جلوبەرگێن كوردی ببمە خودان خەلات د وێ فێستیڤالا نیشادانا جلوبەرگان دا ل وەلاتێ چینێ..