ئینفانتینۆ: پرۆژەیێ وەرزشی دێ د بەرژوەندییا گەنجان دا بیت
د داخویانیەكێ دا سەرۆكێ فدراسیۆنا فوتبۆلا جیهانێ ڕاگەهاند د دەمەكێ نێزیك دا دێ سەرەدانا وەلاتێ ئیراقێ كەت ژبۆ دانانا پرۆژەیێ گەشەكرنا وەرزشا فوتبۆلێ و ڕژدن بۆ پێشئێخستنا ئاستێ وەرزشڤانێن گەنج.
د درێژاهییا دیدارا خوە دا جیانێ ئینفانتیۆیی گۆت: دگەل یونس مەحموود سەرۆكێ فدراسیۆنا فوتبۆلا ئیراقێ كۆمبووین، مە پشتەڤانییا خوە بۆ پرۆژەیێ گەشەگەكرنا وەرزشا فوتبۆلێ بۆ دیاركر و ل گەنگەشە ل سەر چاوانییا پێشئێخستنا ڤی پرۆژەیی كر كو ب كەڤیتە د خزمەت و بەرژوەندییا گەنجان دا، دیرۆكا وەرزشا ئیراقێ یا پرە ب دەستكەڤت و بەرهەڤێن یاریزانێن باش، ئەڤە ژی بەرهەبوونا حەز و ڤیانا خەلكێ وێ بۆ وەرزشێ.
ژلایەكێ دووڤە ناڤهاتی گۆت: د دەمەكێ نێزیك دا دێ سەرەدانا وەلاتێ ئیراقێ كەم ژبۆ دووڤچوونا پرۆژەیێ هاتیە گەنگەشەكرن، مە باوەری یا هەیی دێ پێنگاڤێن باش هێنە هاڤێژتن، فدراسیۆنا فوتبۆلا جیهانێ دێ ب هەموو شێوەیان پشتەڤانییا وەرزشا ئیراقێ كەت.
