فیداكارییا حەفت پێشمەرگەیان د فلمەكی دا هاتە نیشادان
رەمەزان زەكەریا
د چارچۆڤەیێ پرۆژەیێ سینەما و جەماوەر دا، رێڤەبەریا سینەما و شانۆیا هەولێرێ فلمێ سینەمایی (ڕێگایا مەرگێ) كو ژ دەرهێنانا ئاری سنجاوی یە، د ئێمپایەر سینەمایا هەولێرێ دا بەلاڤكر.
ئاری سنجاوی دەرهێنەرێ فلمی گۆت: چیرۆكا فلمی بەحسێ سەردەمێ شەڕی دكەت، دەمێ حەفت پێشمەرگە ب هاریكاریا شڤانەكێ گوندنشین هێرش دكەنە سەر گوندەكێ و پشتی كوشتنا موختارێ گوندی وێ ناوچێ ل ژێر دەسهەلاتا جاشان ڕزگار دكەن، بەلێ د دەمێ زڤڕینێ دا جاش كەمینێ بۆ د دانن و لێكدانەكا دژوار چێدبێت كو ڕێكا وان دگۆهۆڕیت بۆ ڕێكا شەهیدبوونێ و فیداكاریێ و ئەكتەرێن سەرەكی ژی ئەڤە بوون ئاری سنجاوی، هۆشنەگ ئەنوەر، محەمەد زەمزەمۆك و چەندین ئەكتەرێن دی، رێڤەبەریا سینەما و شانۆیا هەولێرێ هەموو چارشەمبیان ب بێ بەرامبەر فلمێن سینەمایی د ناڤ پڕۆژەی دا نیشا ددەت.
