بەهین د وەرزێ دیناتیێ دا
محسن قۆچان
ئەڤە وەرزێ دیناتیێیە
دین دبێت دینی خۆ بدە پاش
هزر هویر دبن،
دەڤ دبنە ئاش
ل سەر جادان، خەلک مەژیێ خۆ د فرۆشیتن
ب هەروە، ب بەلاش
ئەرێ وەرزێ دیناتیێیە
هەمی دین دبن، با، بەفر،
چەم،داروبار، سترک و چەڤر
هشێن هەمیان دبنە کەڤر
خەلک نەهش دبن؛ دبنە شەیتان
چیا دین دبن؛ دبنە ڤۆلکان
و تو ژ دیناتیێ دینتری
دلێ من دبەی و دڕەڤینی
نە ل سەر ملێ خۆ دزڤڕی و
نە خۆ ل دیناتیا من دگری
کا دێ گاڤەکێ راوستە
ما تە نەڤێت من ببینی دەمێ دین دبم؟
ئەز ب دویڤ تەڤە یێ بوویم سالۆ(١)
ژمێژەوەرە ژ دەردێ عەشقێ
سەودا د سەری دا تەمری
١٧\٩\٢٠٢٦
(١) سالۆ دینەکێ ناڤدارێ باژێرێ دهۆکێ بوو، دگۆتن، د عشقێ دا دین ببوو، رهێن وی یێن هاتی و ددرێژ ل پێشیا وی د چوون، ئانکویەک ددا جادەیێن باژێڕی. ترومبێلەکێ لێدا و دویماهی بۆ ئێشانێن عشقا وی یا دژوار دانا و ئەڤ باژێڕە بێ ئانکو هێلا.
