هەی بریندارێ من
ئاخین ئاکباش
برین د سەر برینان دا
د بارن وەکی بارانێ
ل سەر لاپەڕێن غەریبیێ
چیڕۆکا عەشق و ڤیانێ
نالین ژ شەڤێن تاری دبارن
کانێ چرایا من کانێ
نە ئەز ساخ دبم داکو بژیم
نە ئەز د مرم بۆ ژیانێ
ژ ڤی دەردی ئەز بێزارم
ژیانا من خەم و نالین
نیشتەجیێ د ناخێ من دا
ئەز و دلێ خوە بێ حالین
کانێ تو بریندارێ من
ناڤێ تە ل سەر زمانێ من
د ناڤ حەزێن من دا ساخی
تو چیڕۆکی تو ڕۆمانی
ئەڤینا تە بێ سنوورە
خەونێن تە ئەز کرم دلدار
د دەست من دا گولا سۆرە
خەم ل سەر دلێ من بوون بار
برینێن من بوونە ستران
دنالینن دکنە هەوار
ژ بۆ خاترا وان چاڤێن تە
هەمی دەما ئەزم بێزار
