هونەرمەند (عەبدولسەلام سلێمان) وەغەرا دووماهیێ كر
زنار تۆڤی
هونەرمەند (عەبدولسەلام سلێمان عابد) بەرنیاس ب (عەبۆ) ئەكتەرێ كۆمیدێ یێ كۆما وژدان یا هونەری ل دهۆكێ وەغەركر.
ناڤهاتی، ل سالا 1968 ل دهۆكێ ژ دایك ببوو، ل سالا 1986 ئامادەییا بازرگانی ب دووماهی ئینا بوو، ئەندامێ سەندیكا هونەرمەندێن كوردستانێ، لقێ دهۆك بوو، خودان خێزان بوو، چار زارۆك هەنە، ئاكنجیێ تاخێ كانی خشمانا بوو، فەرمانبەر بوو ل رێڤەبەرییا گشتی یا رەوشەنبیری و هونەری ل دهۆكێ، ل سالا 1991 ل گەل كۆمەكا هونەرمەندێن دهۆكێ كۆمەلا هونەرمەندێن كورد لقێ دهۆك دامەزراندییە، هەروەسا ئەندامێ رێكخراوا هونەرمەندێن كوردستانێ بوو، ل سالا 2000 هەتا 2023 رێڤەبەرێ هۆلا شەهید سەلمان بوو، پشكداری د (٢٧) شانۆگەری و ( 95) زنجیرەیان و پێنج فلمێن سینەمایی دا كرییە، زێدەباری خزمەتا وی ل گۆرەپانا هونەری دا كو پتر ژ 25 سالێن خزمەتكرنێ بووینە، دیسا ل سالا 1992 ێ، پشكداری د ئێكەم درامایێ دا كرییە ب ناڤی تیڤی كۆمیدی كو نەه زنجیرە بوون، پشكداری د هژمارەكا فلمان دا كرییە، دوهی ل دهۆكێ وەغەر كر و ب بەرهەڤبوونا هژمارەكا زۆر یا هونەرمەند و هەڤال و كەسوكار و خەلكێ دهۆكێ تەرمێ وی ل گۆرستانا شاخكێ هاتە ڤەشارتن.
