ئەنجامێن زانكۆلاین ل حەفتیا بهێت دێ هێنە راگەهاندن
دهۆك، دلۆڤان ئاكرەیی:
دكتۆر خەتاب ئەحمەد، ڕێڤەبەرێ گشتی یێ خواندن و پلاندانان و دووڤچوونێ ل وەزارەتا خواندنا بلند و ڤەكۆلینێن زانستی خویا كر، بڕیارە ل حەفتیا بهێت ئەنجامێن زانكۆلاین ل سەر سیستەمی بهێنە ڕاگەهاندن.
ناڤهاتی گۆت: «ل حەفتیا بۆری سیستەمێ زانكۆلاین بۆ دەرچوویێن پۆلا 12ێ ئامادەیی ب پشكێن زانستی، وێژەیی، پیشەیی و قوتابخانەیێن نێڤدەولەتی هاتبوو كاراكرن، د ئەڤ سالە دا 40 هزار و 716 دەرچوویێن زانستی، وێژەیی، پیشەیی، قوتابخانەیێن نێڤدەولەتی د ئێك دەم دا داخوازیێن خۆ ب رێیا زانكۆلاین پێشكێش كربوون و بڕیارە ل حەفتیا بهێت ئەنجامێن زانكۆلاین ل سەر سیستەمی بهێنە ڕاگەهاندن».
