ڕێ مە دبەت

عەدنان ئەحمەد مزووری

ڕێ مە دبەت..
بەرەف خەونەکا مە نەدیتی،
نزا، دێ پێنگاڤ تێرا مە کەن؟
ئاسۆیەک، خوو لمە بکەتە خودان،
هەمی ئاڕاستەیا ڤێدەتن،
و دانیتە بەر ڤێ ڕحا بەرزە ..

ڕێ مە دبەت..
بەرەف نهێنییا، خۆ دڤەشارت،
ژ تڕسێن سۆرچاڤێن نەحەزا،
سەرهاتیا لێگەڕیانەکێ یە،
ژییی بۆ د مەزێخین،
بەرانبەر ژی، مستەکا بایە..

ڕێ مە دبەت..
– دگەل پرتا هیڤییێ –
بەرەف ئەلندەکێ،
وەکی ڕوی یێ زاڕۆیەکی بیت
وەکی نانێ گەرم،
یان ئاڤا کانییەکێ..

ڕێ مە دبەت..
– و ئەم یێن ڕادەستکری –
بارێن یادگارا،
ل پشت خۆ دهێلین،
تنێ خەمن، یێن بەرسینگێ مە،
و ڕۆندک ف مە نەمان.

ڕێ مە دبەت..
و ڕەڤدەیێن هەلبەستا،
یێن ل هنداڤی مە،
بەرەف دارستانەکا کچ، چووین
بەلکو، چارەکێ بدەسڤەبینین،
بۆ پرسیارێن، ئاگر هەلکرین..

ڕێ مە دبەت..
و مە دبەت..
تا وێستگەها دویماهیێ،
ب دامایی،
ڕۆژا مە ئاڤا دبیت،
و تۆزەک، جهی پڕ دکەت..

کۆمێنتا تە