ههلبهستێن (تەوفیق زیاد)ی
ههلبهست: تەوفیق زیاد
وهرگێڕان: حهسهنێ سلێڤانهیی
1- سترانبیژ
ئهز دێ نیڤهكا ژیێ خوه دم
ئهوێ بشێت وی زارۆكێ دگریت، بكهنیتن.
و ئهزێ نیڤا دی دم
دا گولهكا كهسك ژ مرنێ رزگاربكم
دێ هزار سالان ل دویڤ سترانهكێ چم
و دێ هزار نوهالێن ب چهپ وچیربڕم
ههر دهریایهكا هار شهقینم
دا گولاڤێ ل دهف لێڤێن لهیلهكێ كۆم بكم
ئهز بهشهرییهتم د گهودێ مرۆڤهكێ دا
خوینا زهلال یا دهێته ڕشتن
ما دێ چاوا تهنا بم!!
ژبۆ ژیانێ سترانان دبێژم
ژبۆ ژیانێ من ههمی ههلبهستێن خوه كرنه دیاری
و ههلبهستێن من ههمی ملكێ منن.
2- وهرن
وهرن ههلبهستڤانینۆ
ل سهر ههر لێڤهكێ
بنهفشهكێ و كهمانجهیهكێ بچینین.
وهرن پاڵهینۆ
ئهڤێ دنیایا پیر
گولهكا گهش ڤهگهرینین..
وهرن زارۆكینۆ
خهونان ب سوبههی یا بهێت ب بینین
و كا چاوا دێ ههیڤێن وێ گرین.
3- گازی وه دكم
دهستێن وه دگڤێشم و
ئهردێ ل بن پیێن وه ماچی دكم و
دبێژم: گۆری وه بم و
رۆنیا چاڤێن خوه دیاری وه دكم و
گهرماتیا دلی ددم وه
نێ دهردهسهری یا پێ دژیم
بههرا منه ژ دهردهسهری یا وه.
**
گازی وه دكم
دهستێن وه دگڤێشم
**
ل وهلاتێ خوه بێ زهفهر نهبوویمه و
من ملێن خوه شۆڕنهكرینه
ئێتیم، تازی، پێخواس
بهرامبهر زالمێن خوه راوهستام.
من خوینا خوه دهینا سهر دهستێ خوه و
من ئالایێن خوه نهئینان خوارێ و
من گیایێ ل سهر گۆڕێن بابكالكێن خوه پاراست
گازی وه دكم .. دهستێن وه دگڤێشم.
4- بهری بهێن
گول ل سهر پهنجهركا مالا من
ڤهبوون وگهشبوون
ئویشیێن تری ژ داران شۆڕبوون و
هزار پێسترك ژی كهسكبوون
و مالا من ل بهرتیرۆژكێن ڕۆژێ پاڵڤهدا
خوه گهرم دكر
و ئهزێ خهونان ب نانی بۆ ههمی خهلكێ دبینم
خهونان دبینم
ئهڤه بهری ئهو ل سهر تانكهكا ب خوینێ رهشاندی بهێن.