قەهوە یان شەربەتا پرتەقالێ بۆ سپێدەهیان باشترە؟

دەمێ سپێدەیان ژ خەو ڕادبین و دچینە سەر سفرەیا خارنا سپێدێ، گەلەک کەس ب ڤەخوارنا قەهوێ دەست ب ڕۆژا خۆ دکەن، ئه‌و کەسێن ل دووڤ هۆشیاربوونێ و نەهێلانا تەمبەلیێ دگەڕن، بەلێ ئەڤێن ل دووڤ پێکهاتەیێن خۆراکی دگەڕن، پەرداخەکێ شەربەتا پرتەقالێ ڤەدخۆن. هەردو ڤەخوارنان مفایێن جودا هەنە و ڤەخوارنا وێ رێژا ئەم ڤەدخۆین کاریگەریێن خۆ دیار دکەت.
​قەهو دەولەمەندە ب کافیینێ کو هەڤکاریێ دکەت بۆ هشیاربوونێ و بئاگاهاتنێ و هەستکرنێ ب خەوێ ناهێلیت، بەلێ رێژا کافیینێ د فنجانەکا قەهوێ دا ژ بەر قەبارە و جۆرێ قەهوێ و شێوازێ ئامادەکرنێ دگۆهوڕیت، لەورا هەر کـۆپەکێ قەهوێ و جۆرەکێ وێ رێژێن جودا ژ کافیینێ د خۆ دا دگریت.
​ڤەخوارنا کـۆپەکێ قەهوێ مە دویر دئێخیت ژ تووشبوونێ ب نەخۆشیا شەکرێ یا جۆرێ دوێ، و زێدە ڤەخوارنا وێ ژی زیانێ دگەهینیتە لەشی.
​ل بەرامبەر دا، شەربەتا پرتەقالێ رێژا پێدڤی یا ڤیتامین C بۆ لەشی دابین دکەت، کو سیستەمێ بەرگریێ بەهێز دکەت و کۆلاجین و پۆتاسیۆم و فۆلاتێ بەرهەم دئینیت. ئەڤ فێقیە ب هەمان شێوە پێکهاتەیێن ڕووەکی تێدا هەنە، لەورا ژ ڕوویێ بهایێ خۆراکی ڤە ب تەمامی ژ قەهوێ جودایە.
د​گەل ئەڤێ چەندێ ژی، پرتەقال شەکرا سروشتی یا باش تێدا هەیە، ئەڤە ژی وە دکەت کو شەکرا خوینێ ب لەز بلند بکەت، لەورا خارنا کاربۆهایدرات و پروتین و بەز (چەوری) و ڕویشالان دگەل دا پێدڤی یە، دا کو بلندبوونا شەکرا خوینێ هێدی تر لێ بێت.
​هەردو ڤەخوارن ب مفا نە و د جودانە د مفایێن خۆ دا، لەورا ئەگەر مە بڤێت ل سپێدەیان هشیار و بئاگاهـ بین دێ قەهوێ ڤەخۆین، ئەگەر ژی ل دووڤ ڤیتامین C و پێکهاتەیێن دی یێن خۆراکی دگەڕین، شەربەتا پرتەقالێ ڤەخۆن، ئەگەر نە ژی هەردو ڤەخوارنان ڤەخۆن و مفایی ژ هەردوان د ئێك دەم دا وەربگرن.

کۆمێنتا تە