چاڤێن تە وەک حلیکانە
محسن قۆچان
هەمی سالان
دارحلیکێن د حەوشا مە دا
ژ حلیکان تلۆڤە بوون
د گربوون، د کەسک،
زارڤەکرنا چاڤێن تە بوون
ژ تەڤنێ بیردانکا کویڤی
من دپەراستن ب دارێ ڤە
بەری ئەز وان ب رامویسم،
رویێن وان بدەمە بەر لێڤان،
تەرگ و سر د پیسن، د هارن
ئەڤێ سالێ حلیک خوارن
خەریبییا رەنگێ چاڤێن تە
خۆگرییا من یا د کارێ دا زیندان کری
خەونێن شێلی
بوونە زێلی
تەناهییا من
گۆڕستانا تەرگێ ڤەشارت
بێی کفن و گۆڕ و بێی کێلی و
ئەزیێ شاشم
شەرمێ دکەم
سەرێن ڕێیان ل من د بەرزەنە
ئەز گۆری تە
کا تو ببێژە؛
کێژ سەمایێ بۆ شەرما خۆ و
تەرگا فهێت بکەمە خێلی؟
٣٠\٩\٢٠٢٦
