دلشاد ئه‌حمه‌د: هەکە یاریزانێ سوارچاکییێ حه‌ز و پشتەڤانی نه‌بن نه‌شێت ڤێ یارییێ بكه‌ت
دیدار: تاهر رێكانی
د دیدارکێ دا دلشاد ئه‌حمه‌د كورێ باژێرێ دهۆكێ یاریزانێ سۆراچاکییا یانه‌یا هه‌ولێرێ یا نێڤده‌وله‌تی دیارکر سه‌ره‌رای هه‌ر ئاسته‌نگەکێ یێ رژدە ببیته قاره‌مانێ ئیراقێ و ده‌مه‌كێ درێژه به‌رده‌وامە ل سەر راهێنانان.
هەروەسان ناڤهاتی گۆت: ستایلێ خۆ بلندكرنێ لسه‌ر ئاسته‌نگان یاریێ دکەت، بۆ ماوه‌یێ 10 سالانه ڤێ یاریێ دكه‌م و شیایمە 32 جاران ببمه قاره‌مانێ ل هه‌رێمێ و ئیراقێ، ئه‌نجامێن ڤێ یاریێ نه وه‌كۆ چو یاریێن دینه چونكه د هه‌ر یاریه‌كێ دا خالێن مه دهێنه كۆمكرن، لدووماهییا هەڤڕکییان یێ خالێن وێ ژ هه‌موویان پتر بن دێ بیته قاره‌مان، هیڤینە لایه‌نه‌ك یان یانه‌یه‌ك ل دهۆكێ خۆ لڤێ یاریێ بكه‌ته خۆدان و پشته‌ڤانیێ لێبكه‌ت، دێ بیته رێخۆشكه‌ر ئه‌نجامێن مه باشتر لێ بهێن دیسان ل دهۆكێ دێ یاریزانێن خۆدان شیان هه‌بن، له‌وڕا هه‌ر چ نه‌بیت جهه‌كێ تایبه‌ت بهێته دورستكرن وه‌كۆی هه‌ولێرێ، بۆ من ب زه‌حمه‌ته د حه‌فتییێ دا سێ جاران دچمه هه‌ولێرێ بۆ ئه‌نجامدانا راهێنانان، نوكه ژی خۆ به‌رهه‌ڤدكه‌م بۆ قاره‌مانییێن داهاتی.
لدووماهییێ ناڤبری ئه‌و چه‌ند ژی گۆت: مه لسه‌ر كیستێ خۆ هه‌سپ كرینە و ئه‌كادیمینه، پێدڤیه دناڤ هه‌سپان دابن له‌وا دهێلینه هه‌ولێرێ و ئه‌ڤه ژی دبیته مه‌زاختییه‌كێ مه‌زن بۆمن، لێ ئه‌ز دێ هه‌ر یێ به‌رده‌وام بن و هندی من شیان هه‌بن.
