بۆ گەهاندنا دەنگێ خەلكی من ئەڤ كارە هەلبژارت
دلڤین رەشید
مەدیاكار (ئەنیسا ئەحمەد حەیدەر) د دیدارەكێ دا بۆ رۆژناما ئەڤرۆ دیاركر كو ئەو خەلكا رۆژئاڤایێ كوردستانێ یە، ئەڤە نێزیكی حەفت سالانە دبۆارێ راگەهاندنێ دا كاردكەت و نوكە وەك پێشكێشكار و بێژەرا دەنگوباسان ب زمانێ عەرەبی ل رادیۆیا مووسل كاردكەت.
ناڤهاتیێ گۆت: ژبۆ گەهاندنا دەنگێ خەلكی من ئەڤ كارە هەلبژارت كو ئێك ژ حەزێن من بوو یە وەك ژنەكا كورد، چونكی ژنا كورد د مێژووێ یێ دا و هەتا نوكە د بۆارێن جودا جودا یێن ژیانێ دا رۆلەكی كاریگەر هەبوویە، لەورا یا پێدڤیە د ڤێ جیهانا سۆشیال مەدیا و راگەهاندنێ دا دڤێت پتر ڕۆلێ خۆ ببینت و ببیتە نموونەیەكا هەرە باش دناڤ جڤاكێ كوردی دا و ب ڤێ رێكی خزمەتا زمان و كلتوورێ كوردی بكەت و راگەهاندن پەیام و دەنگێ خەلكی یە و یا گرنگ ئەوە راگەهاندكارێن مە پەیامێن خۆ ب راستی و دورستی بگەهینن و ببنە جهێ باوەریا خەلكی، چنكو راگەهاندنا كوردی شیایە ڕۆلەكی بەرچاڤ ببینت خۆ دگەل ڤێ جیهانگەریا سۆشیال مەدیایێ بگونجینن و بكەنە دەرفەتەكا زێڕین ژبۆ پاراستنا زمان و كلتوورێ كوردی.
