مە حەزدكر كارەكێ جودا بكەین
شاهۆ فەرید
ماهر نەزیر بارێستایی، وەكو گەنجەك، د دیدارەكێ دا بۆ رۆژنامەیا ئەڤرۆ گۆت: ئەز ب خوە ژحەزژێكەرێن ڤەخوارنا قەهوێ و خواندنا پەرتووكامە مە، هزرەك بۆ من پەیدا بوو كو قەهوەخانەیەكا تێكەلكرنەكێ دناڤبەرا كلتووری و كلاسیكی و مۆدرێن ڤەكەم، ئەڤ هزرە پشتی چەندین سەرەدانان بۆ رۆژهەلاتێ كوردستانێ و سلێمانی و هەولێر و كەركووك و دهۆكێ كو بشێم ب شێوازەكێ نوو كارەكی بكەم، كو مە وێنەیێن چەندین كەسایەتێن ناڤدار هەلاویسیتنە ل گەل دانانا هژمارەكا پەرتووكان، بۆ وێ چەندێ كو هەركەسەكێ قەستامە بكەت دەمەكێ خۆش و ئارام ل گەل خواندنا پەرتووكان ببەت.
هەروەسا گۆت: هندەك جاران ئەم نڤیسەران ژی مێهڤان دكەین ئەو ب خوە بەرهەمێ خۆ ددەنە نیاسین و ئیمزا دكەن، ئەڤ پرۆژەیە من و هەڤالەكی ڤەكریە، چنكو مە دیت قەهوە خانیێن مۆدرن هەنە بەلێ نینە بشێت فولكلۆری تێكەلی كاری خوە بكەت، ئەو ڤەخوارنیێن ئەم پێشكێشی مێهڤانیێن خوە دكەین شێوەیێ ستاندەریێن جیهانی پێكهاتیێن وانا و خامەیێ كوالێتیا بلند پێشكێكش دكەین، شارەزایەكا باش من ناڤ ئەڤی كاری دا هەبوو خۆ پتر فێركر بۆ هندی ڤەخوارنەكا خۆش ئامادەبكەم، مە ناڤەكێ بیانی هەلبژاریت ڕامانا وێ ب كوردی گولەكا جوان، مە چەندین چالاكیێن جوان ژی ئەنجامداینە.
