ڕێگر بێسفكی : ل ئامێدیێ40 هزار مەترێن دوجا دو زەڤی ب پاڤژكری ژ مینان هاتنە زڤڕاندن
بێوار حەمدی:
لیژنا ڕادەستكرنا زەڤیێن پاقژكری ژ مین و تەقەمەنیان دوو زەڤیێن مینڕێژكری پشتی ب تەمامی هاتینە پاقژكرن ڕادەستی جهێن پەیوەندیداركرن كو رووبەرێ هەردوو زەڤیان دبیتە 40.675 مەترێن دووجا.
ڕێگر بێسفكی، بەرپرسێ پەیوەندی و راگەهاندنێ ل ڕێڤەبەریا گشتی یا كاروبارێن مینا ل پارێزگەها دهۆكێ د دیدارەكێ دا بۆ ڕۆژناما ئەڤرۆ گۆت: ل ئامێدیێ 40 هزار مەترێن دووجا دوو زەڤی ب پاقژكری ژمینان هاتنە زڤڕاندن، پشتی ڕێڤەبەریا گشتی یا كاروبارێن مینا ل پارێزگەها دهۆكێ و لیژنەیا رادەستكرنا زەڤیێن پاقژكری ژمین وتەقەمەنیان دوو زەڤیێن مینڕێژكری ب تەمامی پاقژكرین جارەكا دی ڕادەستی جهێن پەیوەندیدار هاتنە كرن.
ناڤهاتی ئەو چەندە ژی دا زانین، ل چەمانكێ ب ئامادەبوونا ڕێڤەبەرێ ناوچەداریا چەمانكێ زەڤیا مینڕێژكریا پیرمێسی ب رووبەرێ دەستنیشانكری 20.675مەترێن دووجا بوون و 52 پارچێن مین و تەقەمەنیان هاتبوونە دیتن و گۆت: زەڤیا كورا بەرێ تەختی ب ئامادەبوونا ڕێڤەبەرێ ناوچەداریا سەرسنكێ ب رووبەرێ 20.000 مەترێن دووجا و ل ڤێ زەڤیێ ژی 38 مین و پارچێن تەقەمەنیان هاتبوونە دیتن و پشتی ئەڤ هەردوو زەڤیە هاتینە پاقژكرن ب تەمامی هاتنە زڤراندن
ل دووماهیێ ژی گۆت: ب گشتی ئەو رووبەرێ هاتیە پاقژكرن ل هەردوو زەڤیان دبیتە 40.675 مەترێن دووجا وئەڤ زەڤیە پشتی پاقژكرنێ ژ مەترسیێن مین و تەقەمەنیان نوكە ژبۆ مفا وەرگرتنا وەڵاتیان د ئامادەنە.
