ل سەر گازندەیێن كێمیا بەرهەمێ جۆتیاران ئەندازیارەك بەرسڤێ ددەت
ئامێدیێ، مەحمود نهێلی
هەژمارەكا جوتیارێن دەڤەرێ گازندا دكەن كو بەرهەمێ وان یێن چاندنێ بەری بگەهیت ژ ناڤ دچیت و پووچ دبیت ئەڤە ژی زێدەباری وێ ئەزەیەتا ئەو پێڤە دبەن چ مفا ناگەهیتە وان ژلایێ ئابوری ڤە وەكوو كونجیێن سالا چوویی كو رێژەیەكا زۆر ژ ناڤچوون.
ڤەهێل سادق جوتیاروكێ سنورێ ناوچەدارییا دێرەلۆكێ یە بۆ رۆژناما ئەڤرۆ دیاركر، هەموو سالان ئەو د وەرزێ هاڤینێ دا كارێ چاندنا باجان و خیار و كونجیان و هەژمارەكا دی یا دەرامەتی و برنجی دكەت و گۆت: (گەلەك جاران ئەڤ بەرهەمێ مە ب هەروە دچیت و پیچ دبیت و هەروەسا گەلەك توشی نەخوشیان دبیت و ل سالا چووی ژی كونجیێن وان د باش نە بوون ئەڤ سالە ژی هندەك جورێن دێ یێن بەرهەمێ وان كو نكە دەمێ بەرهەمی یە نە د ئاستێ پێدڤیی دا یە).
ئەندازیارێ چاندنێ عەبدولستار خورشید ل دێرەلۆكێ بۆ رۆژناما ئەڤرۆ دیاركر، بۆ وێ یەكێ كارێ جوتیاری یێ سەرەكەفتی بیت و بەرهەمێ وی تووشی نەخوەشیا نەبیت، پێدڤیە جوتیار چەندین پێنگاڤێن باش بهاڤێژیت و گۆت: دڤێت هەر ل دەسپێكێ ئاخا چاندنێ شلۆڤەبكەت و هەروەسا كوالێتا وێ ئاخێ و كولان و زبلكرنەكا دروست بهێتە بكارئینان بەری دەست ب چاندنێ بكەت.
دیار كر ژی، دڤێت جوتیار رۆژانە دووڤچوونا بیستانێن خوە بكەت كا چ گهورین تێدا دروست دبن چونكە هەر گهورینەكا نەیا سرۆشتی دهێتە هەژمارتن نەخوەشی و گۆت: بەری نەخۆشی بگەهیتە بەرهەمی جوتیاری، دڤێت رێگری لێ بهێتە گرتن، چونكە تا نەخوەشی دهێتە چارەسەركرن زیانێن مەزن دگەهتە بەرهەمێ چاندنێ.
وی شارەزایی چاندنێ دیار ژی كر، دڤێت هەر گوهۆرینكاریەكا د چاندنێ دروست دبیت، جوتیار زوو فەرمانگەه و شارەزایێن چاندنێ ئاگەهدار بكەت و بزانیت چ دەرمان ب كار ئبینت بۆ چارەسەریێ ل دووڤ خشتەیەكی دیاركری.
