باخچەیەك ل كۆمەلگەها شاریا دێ هێتە چێكرن
دهۆك، لەزگین جۆقی:
سەرۆكێ باژێرڤانییا شاریا بۆ رۆژنامەیا ئەڤرۆ دیاركر، ب مەرەما زێدەكرنا رێژەیا كەسكاتیێ و خزمەتكرنا وەلاتیان، دەست ب چێكرنا باخچەكێ مەزن ل سەر رووبەرێ دو هزار و 500 مەترێن چارگۆشە ل كۆمەلگەها شاریا هاتیە كرن. ئیسماعیل سلێمان، سەرۆكێ باژێرڤانییا شاریا گۆت: «بجهئینانا پڕۆژەیێن خزمەتگوزاری دبەردەوامن، سۆلینەكا ئاڤڕێژ ب درێژاهییا 800 مەتران بۆ بەرهەنگارییا لەهیان و نەهێلانا كۆمڤەبوونا ئاڤێ ل شاریا دێ هێتە دروستكرن، ل گەل ئەنجامدانا چەندین خزمەتگوزارییێن دی، دیسا نوكە پڕۆژەك بۆ جوانكرنا شاریا د قووناغێن چێكرنێ دایە، كو نافۆرەیەكا ئاڤێ یە و كار لسەر چێكرنا ڤی پرۆژەی یێ بەردەوامە».
